"Հիմալայան Յոգա" ոճի Յոգայի դասընթաց Երևանում, Surya Yoga House-ում

Հիմալայան Յոգայի կենտրոնի առաքելությունն է` հնարավորինս անաչառ ու մատչելի ձևով հայ հասարակայնությանը ներկայացնել Յոգա գիտության ու փիլիսոփայության ամենատարբեր ասպեկտները, որպես հակակշիռ` Յոգայի մասին այժմ մոդայի ալիքի տակ, զանազան կրոնական դպրոցներից (Բուդդայական, Կրիշնայական, Ջայնիստական, Տանտրիկ և այլ) Հայաստան ներհոսող կեղծ ու կիսատ գաղափարների: Մեր նպատակն է տարանջատել սկզբնաղբյուրներից ծագող Յոգան (Վեդայական Յոգան)` Յոգայի միջին դարերում սկիզբ առած Բուդդայական և այլ կրոնական ազդեցություններով տեսակներից, որոնց առաջացման հիմնական դրդապատճառներն են եղել զանազան կրոնական առաջնորդների վատ տեղեկացվածությունը, սանսկրիտ բարդ լեզվի վատ իմացությունը (որով գրի են առնվել Յոգայի մասին բոլոր գիտելիքները), ծուլությունը, այս կամ այն նեղ կրոնական նպատակների իրականացման ձգտումը, ալկոհոլի ու այլ թմբիրների ազդեցության տակ "մարգարեանալու" արատավոր հակումները և այլն: Մենք Հիմալայան Յոգայի մեր դասընթացները մի ժամանակ անց էինք կացնում Երևանի կենտրոնում գտնվող՝, այն ժամանակ նորաբաց ԼՈՖԹ Ինքնազարգացման Կենտրոնի գեղեցիկ ու հարմարավետ սրահում: Հատկապես ջերմ հիշողություններ են մնացել առավոտյան վաղ (6:00-7:00-ին սկսվող, նույնիսկ ձմռանը) դասընթացից, որի անցկացման համար ԼՈՖԹ Ինքնազարգացման կենտրոնի թիմը Յոգայի սրահը մեզ էր տրամադրել անվճար: Եվ չնայած մենք այժմ տարբեր հեռահար ծրագրերով (ուղղակի ու անուղղակի կերպով հիմնականում նաև Յոգային առնչվող, օրինակ՝ աշխարհի ամենաերկար քայլարշավային արահետներից մեկի՝ Տրանսկովկասյան Արահետի ստեղծումը, իսկ այժմ՝ Լյուքսեմբուրգում պարբերաբար Յոգայի դասընթացների կազմակերպումը՝ Erasmus Plus միջազգային կրթական ծրագրի շրջնակներում) շատ ենք զբաղված և մեր թիմի անդամներից մի քանիսը զբաղվածության բերումով պարբերաբար ստիպված են լինում ժամանակավորապես դասընթացը դադարեցնել, այնուամենայնիվ, դասընթացները վերսկսելուն պես մենք միշտ ուրախ ենք նորից տեսնել ձեզ ու լսել Յոգայի՝ հրաշքներով լի աշխարհում ձեր նոր զգացողությունների և անհատական նվաճումների մասին։ Այս կայքի թարմացումների ու ֆեյսբուքյան մեր խմբի օգնությամբ մենք պարբերաբար տեղեկացնում ենք բոլորին մեր ընթացիկ ծրագրերի ու հանդիպումների մասին: 

Այժմ մեր դասերը վերսկսում ենք Surya Yoga House ("Սուրյա Յոգա Հաուս")-ում, որ գտնվում է Երևան, Նաիրի Զարյան 17 (1-ին մուտք) հասցեում։

Մանրամասների համար զանգահարեք 094 310374 հեռախոսահամարով: 

Քարտեզը՝

Յոգան սանսկրիտերեն բառ է, որ ունի բազմաթիվ իմաստներ, սակայն հիմնական իմաստներից մեկն է` “ԿԱՊ”: Կապ քո ներաշխարհի, քո շուրջը գտնվող մարդկանց ու բնության հետ: Յոգան գիտություն է, այլ ոչ թե լոկ սպորտանման մի բան, ինչպես այն հաճախ մատուցվում է բազմաթիվ աղբյուրներում: Յոգան իր հիմքում որևէ կապ չունի ու չի կարող ունենալ Բուդդիզմի, հինդուզմի կամ այլ կրոնական համակարգերի հետ, ուստի մեր խմբում դրված ցանկացած երկիմաստ նյութ, որն ունի ուղղակի կամ անուղղակի կերպով Յոգան կրոնի անունից ներկայացնելու կամ կրոնական քարոզ անելու միտում` կհեռացվի ադիմինիստրատորների կողմից: “Աշտանգա Յոգա” կոչվող այս ոճը, որը, կրկին սանսկրիտերեն, նշանակում է “Ութ Փուլանի Յոգա”, ֆիզիկական, մտավոր և հոգևոր ոլորտների շատ լայն ու կոմպլեքս համակարգ է, ոլորտներ, որոնք մարդուն հզորացնում են` մարմնի կեցվածքների (Ասանաներ), շնչառական վարժությունների (Պրանայամա), կենտրոնացման վարժությունների (Մեդիտացիա) և ինքնաճանաչման բազմաթիվ այլ միջոցների օգնությամբ: Այս համակարգի հիմնական բնութագրերից մեկն այն է, որ, որքան ավելի ես մոտենում դրան, այնքան ավելի հաճելի է դառնում պրոցեսը` լի ինքնահայտնագործման բազում արկածային պահերով:

Բոլոր այլ հարցերով կարող եք դիմել Հայաստանում Հիմալայան Յոգայի կենտրոնի համահիմնադիր և ավագ դասվար Վահագն Վարդումյանին
էլ. փոստ` vvardumyan@gmail.com
հեռ. 094310374  

Հիմալայան Յոգայի կենտրոնը վերսկսել է Յոգայի դասընթացները Երևանի կենտրոնում

Ողջույն սիրելի այցելու,

Մեր Կենտրոնի նոր սրահը, որ գտնվում է Երիտասարդական մետրոյից մի քանի քայլի վրա, Մոսկովյան 3 հասցեում (նախկին Աճառյան համալսարանի շենքի տակ, ետնամուտքից մի քանի աստիճան ներքև), ԼՈՖԹ Ինքնազարգացման Կենտրոնում, արդեն պատրաստ է հյուրընկալելու ձեզ Հիմալայան Աշտանգա Յոգայի նոր դասընթացին մասնակցելու համար:

Հիմալայան` որովհերև ի տարբերություն աշխարհում, հատկապես արևմուտքում այժմ մոդայիկ դարձած Աշտանգա Յոգայի զանազան տարատեսակների (դինամիկ, քրտնեցնող, ինտենսիվ և այլն) մենք կիրարկում ենք ստատիկ, արտաքինից հանգիստ ու մատչելի, բայց իրականում ավելի խորն ու տևական արդյունք տվող տարբերակը:
Դասերը վարում են Վահագն Վարդումյանը և Նելլի Մկրտչյանը: Գործում է երկու խումբ երեկոյան ժամերին, մի խումբ` շատ վաղ առավոտյան, ժամը 7:00-ից 8:30: Երեկոյան խմբերի օրերն ու ժամերն են` երեքշաբթի, հինգշաբթի և շաբաթ, երեկոյան 19:00-20:30 (Վահագն Վարդումյանի խումբը) և երկուշաբթի, չորեքշաբթի և ուրբաթ, երեկոյան 19:00-20:30  (Նելլի Մկրտչյանի խումբը):

Հավելյալ տեղեկությունների, բոլոր փոփոխությունների, նոր բացվող խմբերի կամ արտադասաժամային հանդիպումների մասին բոլոր տեղեկությունները կարող եք ստանալ` հետևելով մեր ֆեյսբուքյան խմբին, որտեղ կարող եք գրանցվել ու ոչ միայն հետևել մեր առօրյային ու նորություններին, այլ նաև հետաքրքիր նյութեր ընթերցել Յոգայի մասին, որոնց մի մասը անգլերենից հայերեն է թարգմանվում առաջին անգամ մեր կենտրոնում:

Ահա մեր դասերի անցկացման նոր վայրը` Երևանի կենտրոնում

Նորակառույց, ջեռուցվող և հարմարավետ սրահը`

Հարգանքով` Վահագն

Վահագն Վարդումյան

Վահագն Վարդումյան. Հիմալայան Յոգայի ուսուցիչ

Մի քանի տարի ճամփորդել է, այցելելով ավելի քան 30 երկիր, ներառյալ Եվրոպայի մեծ մասը, ԱՄՆ-ն, Ռուսաստանն ու Հնդկաստանը: 1996 թվականից ուսանել է Յոգա, ունենալով հայազգի ուսուցիչ, նույնպես ճամփորդ: Հայաստանում մասնակցել է մի քանի հնավայրերի պեղումների, որպես էքսպեդիցիայի նկարիչ: 1999 թվականից ակտիվորեն զբաղվում է ալյընտրանքային և ոչ ֆորմալ կրթությամբ, որպես թրեյներ և թրեյներներ վերապատրաստող: Այժմ Յոգա դասավանդելուն զուգահեռ զբաղվում է նաև ֆիլմարտադրությամբ, որպես պրոդյուսեր: Նաև ուսումնասիրում է Հայկական Լեռնաշխարհի հնագույն քաղաքակրթությունների մշակույթն ու կենցաղը, ինչպես նաև զբաղվում է այլ քաղաքակրթությունների հետ Հայկական Լեռնաշխարհի մշակութային կապերի համեմատական վերլուծությամբ: Հանդիսանում է "Էկոաշրամ" միջմշակութային կենտրոն կազմակերպության փոխնախագահը և "Կյանքի ճամփորդություններ" զբոսաշրջային նախաձեռնության համահեղինակ: Տարբեր սեզոններին կազմակերպում է բնաճանաչողական, կոփման արշավներ դեպի Հայաստանի չքնաղ լեռները: Այս ամենից զատ նաև օժանդակում է Կարեն Ասատրյանին՝ Հայաստանում էկո-համայնքի ստեղծման գործում և այդ կապակցությամբ շաբաթվա մեջ մի քանի օր բացակայում է Երևանից: Վահագնը Հիմալայան Յոգայի Կենտրոնի Յոգայի ավագ ուսուցիչներից մեկն է: Վերապատրաստվել է Հնդկաստանում, Դելիում և 
Հիմալայներում, Հիմալայան ուսուցչի աշրամում, 2006-2007 թ.՝ ստանալով Հիմալայան Աշտանգա Յոգայի ուսուցիչ որակավորումը: Երաշխավորված է անցկացնել Հիմալայան Յոգայի ուսուցիչների վերապատրաստում և տրամադրել հավաստագրեր: