Յոգա, Հայաստան, Երևան, կենտրոն / Հիմալայան Յոգայի դասընթաց, Երևանում, ամեն օր տարբեր ժամերի։ Միացեք

Անընդմեջ բյուրեղացում....մարմնի բազմաբնույթ թեթևացում, ինքնազգացողության անընդմեջ լավացում....մի խոսքով - յոգա + մրգեր + սիրած գործ..

2010-07-02T00:12:00.000-07:00

Անհավանական է թվում, սակայն ես երբ փաստերի հետ ես շփվում, գիտակցությունդ ստիպված ես հարմարեցնել այն ամենին, ինչ տեղի է ունենում ու ամեն քայլին հաստատում քեզ անհավանական թվացող փոփոխությունները.. Վերջիվերջո` ով է որոշում, թե ինչն է անհավանական?:ՃՃ Իմ համար ամենաանհավանականն այն կլինի, որ մարդիկ այդպես էլ չկարողանան բնության հետ ներդաշնակ ապրել: Իսկ այ, օրինակ, գիշերը 4-5 ժամ քնելու հետ մեկտեղ ամառվա շոգին շոգն ընդհանրապես չզգալը այլևս անհավանական չի թվում:ՃՃ

Առավոտ, լուռ ու հանգիստ քաղաք, անճանաչելի Երևան...

2010-06-24T21:02:00.000-07:00

Ամեն անգամ առավոտյան նորովի զարմանում եմ, թե որքան տարբեր կարող է լինել իմ այս նույն Երևանը օրվա տարբեր ժամերին??! Այս առավոտ էլ մի լավ վայելեցի քաղաքս...հիմա էդպես թարմացած, քաղաքիս հանդեպ լավ տրամադրված, սկսելու եմ առավոտյան յոգայի հերթական դասը: Հետաքրքիր է, քանի հոգի կգան այսօր?:Ճ

Յոգայի որոշ դիրքեր` անիմացիոն տարբերակով

2010-06-18T23:14:00.001-07:00

Յոգայի հետ կապված թեմաներով նկարներ` որպես տեսողական հավելում այն ամենին, ինչ հաճախ եմ գրում այս բլոգում

2010-06-17T23:55:00.000-07:00

Յոգան շոգն էլ է մեղմացնում...այ հենց հիմա, 35 աստիճան է, պիտի որ շոգեմ, չէ? :)) Չեմ շոգում, հեչ չեմ շոգում..

2010-06-12T08:53:00.000-07:00

Հատկապես շնչառական վարժությունների ազդեցությունն այս հարցում շատ էական է. մարմինն այնքան է հարստանում կենսաէներգիայով, որ մեզ համար սովորական դարձած մեծ ու փոքր անհարմարություններն ու անհանգստությունները (ֆիզիկական, մտավոր, հոգևոր) այլևս դադարում են նեղել, մի տեսակ կարծես այլ վառելիքի է անցնում ողջ էությունդ: Դժվար է սա խոսքերով նկարագրելը: Չգիտեմ, արդյոք երաժշտությամբ կամ ինքնարտահայտման այլ ձևերով ինչպես կստացվի դա, սակայն հենց շնչառական վարժություններով, փորձել եմ, մի շաբաթում սկսում է պարզ դառնալ, թե ինչ ինկատի ունեի:

Կրկին օնլայն յոգա` այս անգամ առավոտյան ժամը 8:30

2010-06-08T12:30:00.000-07:00

Ես Հայաստանում եմ, ինքը` Շվեդիայում, իմ մոտ առավոտյան 8:30-ն իր մոտ առավոտյան 5:30-ն է::) Ու հետաքրքիրն այն է, որ այդ ժամն ինքն ընտրեց: Հա, անունը Բեատրիս է, մի քանի տարվա ծանոթներ ենք, մի առիթով ասել էի, որ յոգա եմ պարապում, վերջերս նայել էր www.yogayerevan.com կայքս, տեսել էր օնլայն յոգա էջը, ու որոշել, որ պիտի փորձի: Ինչպես կարելի է եզրակացնել` Բեատրիսին օնլայն յոգան ահագին դուր է եկել: Մնում է, որ արթնանա. կսպասեմ ամենաշատը մինչև իմ ժամանակով 8:40, եթե չհայտնվեց, sms կուղարկեմ, ինչպես պայմանավորվել ենք:)

Մտքեր` մարդու էներգետիկ անվտանգության մասին

2010-06-07T11:40:00.000-07:00

Այսօր յոգայի ժամանակ հիշել էի երբեմնի զգացողություններս ու մտքերս` մարդու էներգետիկ միջավայրի, անվտանգության և այլնի մասին: Երբ նոր էի սկսել յոգա պարապել, շատ տարօրինակ էր պատկերացնելն ու զգալը, թե ինչ տեսակ աններդաշնակ, էներգետիկ առումով թերի ու վտանգավոր միջավայր է քաղաքը... Հետո կամաց կամաց մերվեցի այդ մտքի հետ, ու հիմա զգում եմ, որ յոգայի դասերի մեջ սա պետք է ներառեմ, ոչ թե որովհետև մարդիկ քիչ հոգս ունեն ու մեկն էլ է պետք ավելացնել..:)) այլ պարզապես որովհետև անկախ ամեն ինչից անհրաժեշտ է իմանալ, որ օրինակ, մեդիտացիա անել պատին հենված չի կարելի, եթե այդ պատը ոչ թե գյուղի տան քարե արդար պատ է, այլ շենքի պանել, բարակ, սառը, անկենդան ու նենգ:)) Եթե այս կարգի նրբություններ չիմանաս, շարունակաբար ինչ որ անտեսանելի խոչընդոտներ կխանգարեն առաջ շարժվել... կարծում եմ պիտի ինչ որ կերպ այս ամենը համակարգեմ ու սկսեմ մաս մաս մատուցել դասերի ընթացքում:

Օնլայն Յոգա

2010-06-04T23:47:00.000-07:00

Սքայփ (Skype) ծրագրի մասին լսել եք? Այ հենց այդ ծրագրով մի երկու օր առաջ օնլայն յոգայի դաս ունեցա, Երևան-Ստոկհոլմ: :) Կասեք` իբր Հայաստանում յոգայի հետ կապված բոլոր գործերն արեցինք վերջացրինք, հիմա էլ շվեդիա ենք տեղափոխվել::) ? Բայց մեկը մյուսին չեն խանգարում, մի բան էլ օգնում են: Հետաքրքիր նորամուծություն էր իմ համար, արդեն 4-րդ անգամն էր: Տեսա-զանգ ես կատարում ու էկրանին նայելով անում վարժությունները: Որն է առավելությունը, օրինակ, Յութուբի (Youtube) հանդեպ? Սթայփով կարելի է հարցեր տալ ու պատասխան ստանալ, եթե ինչ որ բան այնքան էլ պարզ չէ, իսկ յոգայում ամեն փոքրիկ դետալ այնքան կարևոր է, որ հաստատ արժե ռիսկերից խուսափել: Խորհուրդ եմ տալիս փորձեք, մինչև հուլիսի 10-ը բաց դասեր եմ անելու, ազատ բոլոր ցանկացողների համար: ինկատի ունեմ օնլայն դասերը:

Մանդալաներ: Հանգստացեք:Ճ

2010-06-01T14:07:00.001-07:00

http://www.light-weaver.com/slide2/a.html

պրանայամա`

2010-05-29T13:41:00.000-07:00

...այսինքն` շնչառական վարժություններ.. այնքան ուժ կա մեզանում, ու այնքան լավ են շնչառական վարժությունները օգնում մեզ զգալ դա...

յոգան սիրում է վաղ առավոտյան արթնացում ու սառը ջրով լոգանք...

2010-05-26T13:31:00.000-07:00

Պարզապես հիշեցի, թե ինչ կարևոր է դա ու գրեցի:)

Կենտրոնացած միտք = հզոր երկիր: Յոգան Հայաստանում հյուր չէ, այն մեր մոռացված կենսարվեստներից մեկն է...

2010-05-25T04:43:00.000-07:00

Կենտրոնացած միտք = հզոր երկիր: Յոգան Հայաստանում հյուր չէ, այն մեր մոռացված կենսարվեստներից մեկն է...

Նախ պետք է փորձենք մի քիչ պոկվել մեր թվայնացած կենցաղից, թվերն ու դրանց լիցքերը թողնենք մի կողմ, հետո նոր անցնենք յոգայի վարժություններին...

2010-05-23T02:56:00.001-07:00

Կենտրոնացած միտք = հզոր երկիր: Յոգան Հայաստանում հյուր չէ, այն մեր մոռացված կենսարվեստներից մեկն է...

Ժամանակն է փորձեք, ինչքան կարելի է լսել ու լսել?:)

2010-05-23T02:49:00.000-07:00

Կենտրոնացած միտք = հզոր երկիր: Յոգան Հայաստանում հյուր չէ, այն մեր մոռացված կենսարվեստներից մեկն է...

Յոգան միայն վատ չզգալը չէ...յոգան լավ զգալն է...:

2010-05-23T02:24:00.000-07:00

Կենտրոնացած միտք = հզոր երկիր: Յոգան Հայաստանում հյուր չէ, այն մեր մոռացված կենսարվեստներից մեկն է...

Յոգան կրակի պես լուսավորում է ու ջերմացնում

2010-05-23T02:16:00.000-07:00

Կենտրոնացած միտք = հզոր երկիր: Յոգան Հայաստանում հյուր չէ, այն մեր մոռացված կենսարվեստներից մեկն է...

Յոգան ու արվեստը, ֆոտոարվեստը,,

2010-05-22T13:12:00.000-07:00

Յոգա տրամադրությամբ արշավ դեպի Գառնի

2010-05-19T14:28:00.000-07:00

Մեր Գառնու արշավն անցավ շատ գունեղ, համեղ, բովանդակալից ու արևային տրամադրության ներքո: Բավական շատ զբոսնեցինք, բարձրացանք մոտ 500 մետր, ես գետում լողացա (ու օրինակ ծառայեցի, մյուս անգամ երևի մենակ ես չեմ լինի լողացողը), պիկնիկ արեցինք, նստեցինք մի բարձունքի ու նայեցինք գառնու տաճարին... ու այդ ամենով մաքրվեցինք մեր սիրելի քաղաքի փոշիներից...

Կենտրոնացած միտք = հզոր երկիր: Յոգան Հայաստանում հյուր չէ, այն մեր մոռացված կենսարվեստներից մեկն է...

Գնում ենք Գառնի` քաղաքից հանգսանանք

2010-05-15T12:42:00.000-07:00

Գառնի կարելի է գնալ առանց մեծ ջանքերի ու ծախսերի, մի լավ զբոսնել տաճարի տակի ձորերում, նստել Ազատ գետի ափին, եթե արև լինի` նաև մտնել գետում թրջվել... Երևանին էլ մոտ է.. Մենք այս կիրակին նվիրում ենք բնաներդաշնակ վիճակներին:

էսպես էլ կարելի է մեզ գտնել)

2010-05-10T12:44:00.000-07:00

Յոգայի դահլիճ՝ Բիոնիկայի ու Ֆենշույի որոշ սկզբունքների կիրառմամբ կահավորված

2010-05-10T12:22:00.000-07:00

Կենտրոնացած միտք = հզոր երկիր: Յոգան Հայաստանում հյուր չէ, այն մեր մոռացված կենսարվեստներից մեկն է...

Մեր նոր դահլիճը

2010-05-09T12:44:00.000-07:00

Յոգան գիտություն է, հինավուրց գիտություն, որն, այնուամենայնիվ, ինչ-որ հրաշքով կարողանում է երբեք չհնանալ: Այն հազարամյակներով բերնեբերան փոխանցվում էր մի սերնդից մյուսին, մինչև որ մ.թ.ա. 2-րդ դարում, Պատանջալի անունով մի իմաստուն մարդ գրի առավ այդ ամբողջ գիտելիքն իր “Յոգա Սուտրա” (Յոգայի մասին աֆորիզմներ) գրքում: “Յոգա Սուտրան” բաղկացած է 196 աֆորիզմից, որոնք զետեղված են 4 բաժիններում. Դրանք են` 1. Սամադհի պադա (Գիտակցություն և Գերգիտակցություն), 2. Սադհանա պադա (Յոգային տիրապետելու ճանապարհները), 3. Վիբհուտի պադա (Հզորություններ) և 4. Կայվալյա պադա (Ազատագրում): Այս գիրքը հետագայում դարձավ աշխարհում եղած Յոգայի դպրոցների գերակշիռ մասի, ինչպես նաև` Յոգային առնչվող բազմաթիվ այլ գիտությունների` փիլիսոփայության, բժշկության և այլ ճյուղերի հիմքերի հիմքը: Մինչև օրս չկա հստակ, վերջնական պատասխան այն հարցին, թե իրականում որքան հին է Յոգա Գիտությունը, և այս բանավեճը դեռ շարունակվում է պատմաբանների ու հետաքրքրված այլ գիտնականների շրջանում, աշխարհով մեկ: Մինչդեռ մեր նպատակն է` ուսումնասիրել, հասկանալ ու մյուսներին փոխանցել այս գիտությունն իր ամենաանարատ տեսքով, այնպիսին, ինչպիսին որ կա հենց ակունքներում, որպեսզի հնարավոր լինի լիարժեք հաղորդել երկար ու ձիգ դարերի ընթացքում հավաքված իմաստությունը:
Յոգա գիտությունն այս վերջին 5000 տարիների ընթացքում անդադար կիրարկվել ու փորձարկվել է անասելի մեծ թվով մարդկանց կողմից, և ապացուցել է, որ մեծագույն դեր ունի մարդու ինքնա-ճանաչման, առողջության պահպանման և զարգացման գործում, թե ֆիզիկական, թե մտավոր և թե հոգևոր առումներով: Ծագելով Արևելքից, հիմնականում Հնդկաստանից, Յոգա Գիտությունն այժմ արագորեն մասսայականություն է վայելում աշխարհի բազմաթիվ երկրներում` ներթափանցելով արդի կյանքի զանազան ոլորտներ, քանի որ այն չափազանց ունիվերսալ է և արդյունավետ:
Հայաստանի հասարակության համար Յոգան նորություն է, սակայն արդեն հասցրել է նկատելի ուշադրության արժանանալ, և, այստեղ ու այնտեղ հայտնվող Յոգայի կենտրոններն արդեն սկսել են աստիճանաբար ավելի ու ավելի լավը դառնալ, ինչը հաճելի զգացողություններ է պարգևում, և իհարկե` հույս:
Ուստի, ողջունում ենք Քեզ Քո սեփական իրականության լրիվ նոր մի կողմի հայտնագործման դաշտում, այն նոր աշխարհի, որն անտեսանելի է անուշադիր հայացքի համար, սակայն բացվում է զննողի առջև, և լի է խորհրդավորությամբ, ոգեշնչմամբ ու Իրականությամբ` ամենաիսկական իմաստով:

երկուշաբթի առավոտյան մեր նոր դահլիճում կհուրընկալենք առաջին այցելուներին։ Իսկ շաբաթ–կիրակի օրերին պիտի քաղաքից անջատվեմ, ինչ որ շատ քաղաքոտվեցի վերջին մի երկու շաբաթվա ընթացքում։

2010-05-07T12:47:00.000-07:00

Յոգայի մեր նոր դահլիճը Մետրոյի Հանրապետության Հրապարակ կայարանից մոտ յոթ րոպեի հեռավորության վրա է, ահագին հասանելի ու հարմար տեղում։ Առաջին անգամ եկողներին հանդիպելու եմ վերնիսաժի մոտ՝ Խանջյան փողոցի կողմից, կանգառում։

Կենտրոնացած միտք = հզոր երկիր: Յոգան Հայաստանում հյուր չէ, այն մեր մոռացված կենսարվեստներից մեկն է...

Հիմալայան Յոգայի Կենտրոնի երկրորդ դահլիճը` նույնպես Երևանի Կենտրոնում

2010-05-02T21:55:00.000-07:00

Մետրոյի "Հանրապետության Հրապարակ" կայարանից, վերնիսաժի ուղղությամբ, ձախ մայթով քայլում եք ընդամենը 6-7 րոպե, դեպի կինոյի տուն, ապա թեքվում ձախ, մտնում առաջին իսկ դալանով, ուղիղ (առանց աջ թեքվելու) քայլում մինչև բակի վերջ, մտնում նեղ արահետով ներս, ու հասնում մեծ շենքի մուտքին, ուր էլ հենց պետք է մտնեք: 6-րդ հարկում կգտնեք մեզ, արդեն ցուցանակների օգնությամբ:

Թարմացիր = յոգա արա

2010-05-02T21:07:00.000-07:00

կամ "Restart" :)
Կարճ ասած` մեր Յոգայի կենտրոնը ևս մի նոր տարածք ունի, նորից Երևանի կենտրոնում, այս անգամ` Հանրապետության Հրապարակից ոչ հեռու, Կինոյի տան մոտ: Շուտով քարտեզը կդնեմ, որպեսզի հեշտ լինի գտնելը:

Կենտրոնացած միտք = հզոր երկիր: Յոգան Հայաստանում հյուր չէ, այն մեր մոռացված կենսարվեստներից մեկն է...

Սևանի ափին

2010-04-21T23:01:00.000-07:00

Կարոտել էի Սևանի վայրի քամուն ու մաքուր օդը: Լճի ափին արածս այսօրվա երկարատև մտավարժանքն օգնեց ահագին բան հասկանալ: Ժամանակ առ ժամանակ անհրաժեշտ է գալ մի այսպիսի տեղ ու մտնել բնության տարերքների ազդեցության, գերիշխանության դաշտ, որ պեսզի մեր միջի աղմուկը տեղի տա, կարողանանք իսկապես Լսել ու Տեսնել, թե ինչ է տեղի ունենում աշխարհում, մեզանում...

Արշավների սեզոնը բացվեց!!!

2010-04-18T22:26:00.000-07:00

Շաբաթ-կիրակի արշավ էինք գնացել մի քանի հոգով, ես ուղեկցում էի, կամ, ավելի ճիշտ, օձերին էի փախցնում, մինչև աղջիկները նրանց կնկատեյին:)) դե մեր հայկական օձերն են, մենք իրար հասկանում ենք:) Աննկարագրելի բերկրանք էր ամբողջ ճանապարհը, խոչընդոտներով, անհայտ արահետներ հայտնաբերելով և այլն... Էլ չեմ ասում այս հիանալի հանքային ջրի վաննան, որ ինչ որ բարի մարդիկ են սարքել անհայտ ժամանակներում: Մետաղահամ ջուր էր, առավոտյան էնպես զուլալ, որ ավազանի հատակի բոլոր մանրամասները երևում էին... Ասում են, որ այս ջուրը խմելն էլ, դրանում լոգանք ընդունելն էլ շատ օգտակար է:

Լռությունը` որպես կենսաուժի արթնացման, պահպանման ու հզորացման միջոց

2010-04-15T21:43:00.000-07:00

Այս նկարում ես լռությունն եմ վայելում Վիլնյուս քաղաքի ժամանակակից արվեստի թանգարանում, ցավոք ոչ այնքան բնական ջրի հետ միասին (եվրոպական ջրում հաճախ բնականության պակաս է նկատվում): Հանգիստ ու ուրախ օր էր, մտել էինք այդ ցուցասրահներն ու մի քանի ժամ լուսանկարվում էինք տարբեր հետաքրքիր լուսային և այլ ֆոնային միջավայրերում, ինչ որ առումով մեր հեգնանքն արտահայտելով մեզ համար հիմնականում անհասկանալի, չափազանց աբստրակտ ու էքսցենտրիկ այդ արվեստի հանդեպ: Սակայն այդ օրվանից մնաց այս հետաքրքիր ստեղծագործության մասին հիշողությունը, որ հետո ինքս էլ կիրառեցի մի քանի տեղ, այն է` լռությունը լսելու այս ակցիան, երբ ինչ որ մեկին մեկնում ես մի զույգ ականջակալ, որոնցում Լռությունից բացի ոչինչ չի հնչում: "Աղմկաղտոտում" բառը լսել եք? Ամենայն հավանականությամբ` ոչ, քանի որ հենց նոր թարգմանեցի, ու գրեթե վստահ եմ, որ այն մեր իրականության մեջ դեռևս բավականին շրջանառող բառ չէ, որպեսզի այն արդեն փորձած լինեն թարգմանել մինչև այս պահը: Ես, բացի այս բառը թարգմանելուց, նաև այդ երևույթի դեմ փորձում եմ ինչ որ բան անել: Օրինակ` որոշում եմ, որ մի օր խոսելու եմ հնարավորին չափ քիչ, միայն շատ անհրաժեշտ դեպքերում: Դա, եթե հաջողվում է, լավ սկիզբ է: Հետո սկսվում է ավելի խորը տարբերակը: Փորձեք պատկերացնել, թե ինչ կարող է լինել դա?:Ճ

Յոգա, Այուրվեդա, կետային մերսում և այլն... մարդու առողջության պահպանման դյուրին միջոց` ձեռքերի կետերի ճանաչումն ու մերսումը

2010-04-15T01:47:00.000-07:00

Այս նկարում տրված կետերի մերսման համար լավագույն տևողությունն օրական 2-5 րոպե է, ինչի շնորհիվ դուք կարող եք իսկապես նշանակալիորեն լավացնել ձեր առողջությունն ու, հետևաբար, ինքնազգացողությունը: Մերսեք հանգիստ, առանց շատ սեղմելու, իսկ եթե կետերում ցավեր կլինեն, ավելի լավ է դիմեք կետային մերսման մասնագետի: Ցավերը ձեր օրգանիզմում եղած խնդիրների մասին ահազանգն են, ուստի չարժե դրանց անուշադրության մատնել: Նաև նշեմ, որ մատների վերևում նշված "կրակ, օդ" և այլ տարերքները հուշում են, թե յուրաքանչյուր մատն օրգանիզմում որ տարերքի հետ է կապված: Իսկ մատնեմատի ու ճկույթի մասին առանձին հավելյալ տեղեկությունները, որ գծիկներով են ցույց տրված, առհասարակ այդ մատների մերսմանն են վերաբերում և էական չէ, թե այդ նշագծերը մատների որ կետերի վրա են: Մյուս նշագծերը, որոնք վերձանում են հոծ մուգ կետերով, ցույց են տալիս մերսման կոնկրետ կետերը մատներին ու ձեռքի ափի մեջ:

Յոգա խմբերի պարապմունքների գրաֆիկը / չակրաների մասին փոքրիկ տեղեկության հետ միասին

2010-04-12T18:06:00.000-07:00

Յոգա բառը, համոզված եմ, շատերին է ծանոթ, սակայն իրականում ինչ է դա, ոչ բոլորը գիտեն: Ոմանք կարծում են, որ դա կրոն է, մյուսներն էլ` մարմնամարզության տարբերակ են համարում: Իրականում յոգան գիտություն է, բայց… ամեն ինչ հերթով:
Յոգայի մասին առաջին անգամ Վահագնը լսել է մոտ 14 տարի առաջ, երբ ծանոթացել է Կարեն Ասատրյանի հետ, որն իր լավագույն ընկերն էր: Կարենը նախքան այդ եղել էր Հիմալայներում, ուսումնասիրել յոգայի բոլոր սկզբունքները, ու այդ գիտության մասին նրա պատմությունները միանգամից գրավել ու կլանել էին Վահագնին: Վահագնը գեղանկարիչ է, սիրում է տարբեր ազգերի մշակույթներն ու ջանում երկխոսություն կառուցել այդ մշակույթների միջև:
Երկար տարիներ Վահագնը տարբեր աղբյուրներից ջանում էր տեղեկություններ հայթայթել յոգա ասվածի մասին: Կարենի հետ ծանոթությունից ուղիղ տասը տարի անց` 2006-ի ուշ աշնանը, այս երիտասարդը հրաշալի հնարավորություն ստացավ մեկնելու Հնդկաստան: Առանց երկմտելու նա կապեց ճամփորդական պայուսակն ու մեկնեց: Գիտեր, որ կկարողանա այցելել հենց Հնդկական Հիմալայներ ու լինել այն նույն վայրում, որի մասին պատմություններ էր լսել Կարենից:
Մոտ կես տարի Վահագնն անցկացրեց Հնդկաստանում: Դելիի տարբեր հոգևոր ու մշակութային կենտրոններ այցելելուց հետո վերջապես գնաց Հիմալայներ:
Պարզվում է` Հիմալայներ մտնելու 5 դուռ կա. «Հիմալայյան դարպասներ կոչվող տարածքն է, որն այդ 5 մուտքերից մեկն է: Շատ առասպելական վայր է: Այնտեղ ծանոթացա հենց Կարեն Ասատրյանի ուսուցչի հետ, որի անունն է Սվամի Վեդանան Սարասվատի: Դա մի քիչ միստիկ անուն է, որի կեսից ավելին միայն կոչումներ են: Սվամի նշանակում է մեծապատիվ, սուրբ, Վեդանան` վեդաների գիտակ, իսկ վեդաներն այդ ուսմունքի 4 հիմնական գրքերն են, հինդուիզմի հիմքը»:
Վահագնն այնտեղ խորացրեց իր գիտելիքները: Հնարավորություն ուներ 62-ամյա իր ուսուցչին տալ ցանկացած հարց ու ստանալ պատասխանները հենց սկզբնաղբյուրից, այսինքն` այն մարդուց, ով հրաշալի գիտե, թե ինչ է յոգան, ու կարող է ամեն բան պարզաբանել: Վահագնի համար դա կարծես մի փոքր քննաշրջան էր: Ճամփորդության ավարտին էլ նա ստացավ Հիմալայյան յոգայի մասնագետի պաշտոնական վկայական, որն իրեն հնարավորություն է տալիս դասավանդել:
Հայաստան վերադառնալուց հետո Վահագնը ոգևորված էր ու շատ մեծ ցանկություն ուներ իր սերտածը մյուսներին էլ փոխանցել, որովհետև բավականին հետաքրքիր կողմեր կան յոգայի ուսմունքի մեջ` սկսած մարդ արարածի ստեղծման վարկածներից մինչև տիեզերքի կյանքի ու մահվան հարցերը: Վահագնի համար հետաքրքիր էր դա համեմատել արևմտյան մշակույթի ու կրոնի հետ ու նաև հասկանալ, թե այդ ուսմունքն արդյոք հետաքրքրո՞ւմ է մեզ` հայերիս: Վահագնը կարծում է, որ յոգան բոլորին էլ անհրաժեշտ է` անկախ ազգությունից, սեռից ու կրոնից. «Յոգան իրականում գիտություն է բնության հետ շփման, մարդու ինքն իրեն ու տիեզերքը ճանաչելու մասին, և այդ գիտությունը չի կարող սահմանափակվել որևէ երկրի աշխարհագրական տարածքով ու դիրքով: Հետաքրքիր է, որ հենց այդ աղբյուրներին մոտ կանգնած մարդիկ դա չեն բնորոշում` որպես հնդկական մշակույթ: Նրանք դա համարում են մարդկության հին մշակույթ, որը լավ պահպանվել է միայն Հնդկաստանում»:
Յոգա բառը բազմաթիվ իմաստներ ունի, բայց հիմնական իմաստը կապն է` կապ ինքդ քեզ հետ, քեզ շրջապատող մարդկանց, բնության, տիեզերքի: Յոգան շատ ընդգրկուն ու միաժամանակ շատ բաց է մարդկանց առջև: Յոգան ինքնաճանաչման արվեստ է` ստեղծված մարդ արարածի համար: Վահագնի խոսքով` դա բնությունից քամած գիտություն է և ծառայում է նրան, որպեսզի մարդը լիարժեք ինքնարտահայտվի ու հասարակության մեջ ինքն իր տեղը գտնի: «Յոգայի մեջ հավասարակշռության խնդիր կա: Որքան մարդը խորանում է դրանում, այնքան դա գնում է դեպի մտահոգևոր կողմը»,- բացատրում է Վահագնը:
Յոգան 8 աստիճանից է բաղկացած և կոչվում է «աշտանգայոգա»: Աշտանգա նշանակում է 8 փուլանի:
Յոգայով կարող են բոլորն էլ զբաղվել, չի կարելի միայն 4 տարեկանից ցածր երեխաներին: Այստեղ սահմանափակումները վերաբերում են ոչ այնքան մարդու տարիքին, սեռին կամ կազմվածքին, որքան նրա կենցաղին: Օրինակ` շատ խմող մարդու համար դա նույնիսկ կարող է վտանգավոր լինել: «Եթե մարդն այդ պահին խմում է, բայց որոշել է թողնել դա, ապա նվազագույնը մեկ ամիս անց միայն նա կարող է կամաց-կամաց զբաղվել յոգայով: Յոգան շատ ուժեղ գիտություն է, և այն, ինչպես ամեն մի ուժ, ղեկավարման կարիք ունի: Ասենք, մոտոցիկլ վարել չգիտես, բայց նստես վրան, կընկնես ու կվնասես քեզ: Այդպես էլ յոգայի դեպքում: Պետք է իմանալ, թե ինչից սկսել ու ինչպես անել»,- ասում է Վահագնը:
Նրա խոսքով` միշտ պետք է լինի ինչ-որ մեկը, ով իսկապես տիրապետում է այդ գիտությանը և կարող է ուղղորդել: Նույնիսկ յոգայի մասին գրքերով պարապելն է, Վահագնի կարծիքով, սխալ, որովհետև միշտ չէ, որ դրանք լուրջ մասնագիտական տեսություններն ու ցուցումներն են ներկայացնում: Չիմացող մարդու համար այն կարող է նույնիսկ վտանգավոր լինել: «Այենգար անունով մի մասնագետ կա, որը դասավանդում է հաթայոգա: Նրա գրքի առաջին էջերից մեկում ես տեսա մի այսպիսի միտք. «Եթե դուք ուզում եք մեդիտացիա անել և բավականաչափ տրամադրված չեք դրա համար կամ հոգնած եք, ապա կարող եք մի բաժակ կաթով սուրճ կամ թեյ խմել ու հետո սկսել»: Սա իսկական անհեթեթություն է, կոպիտ խախտում: Մինչդեռ յոգայով զբաղվելուց նվազագույնը 2 ժամ առաջ պետք է սնվել, որպեսզի այն հասցնի օրգանիզմը մարսել: Իսկ ինչ-որ բան ըմպել նվազագույնը մոտ 1 ժամ առաջ, որովհետև մարսողական համակարգը սկսում է աշխատել, և եթե դու յոգայով ես զբաղվում, ուզած թե չուզած, մարմնի կենսաէներգիան սկսում է ուրիշ ուղղությամբ ճառագել, ուրիշ ուղղությամբ աշխատել»,- բացատրում է Վահագնը:
Նա հերքում է նաև այն տեսակետը, թե յոգան սոսկ ֆիզիկական պարապմունք է կամ աշխատանք: Դա ավելի շատ սոցիալական ընդգրկում ունեցող գիտություն է, որն օգնում է անհատին հստակեցնել իր վարքը, պահվածքը, շփումը մյուսների հետ: Բայց, այդուհանդերձ, յոգան նաև ֆիզիկական դրական ազդեցություն է ունենում: Մարդիկ սովորում են ճիշտ սնվել, ճիշտ շնչել, ճիշտ քայլել, քնել: Յոգայով զբաղվելիս անչափ կարևոր է սննդակարգը: Վահագնը ասում է. «Ուտել այնքան, ինչքան պետք է: Ուտելիս գրեթե հեղուկ չօգտագործել: Մարսողական կրակը հանգում է, երբ դրա վրա ջուր ես լցնում: Չխառնել իրարից շատ տարբեր սննդի տեսակները: Պետք է ունենալ օրվա մեջ սնվելու ժամերն ու հետևել այն ռեժիմին»: Վահագնը, օրինակ, 2 անգամ է սնվում օրական: Ավելիի կարիքը չի զգում:
Վահագնը հերքում է նաև տարածված այն կարծիքը, թե յոգան կրոնի հետ որևէ առնչություն ունի: Դրանում նա համոզվել է հենց Հնդկաստանում: Յոգան գիտություն է, որ չի հակասում որևէ կրոնի:
Յոգայի երիտասարդ մասնագետի կարծիքով` այսօր սոցիալական ու տարբեր այլ տեսանկյուններից բավականին ընկճված մեր ազգն իրոք յոգայի կարիքն ունի: Դա կօգնի մարդուն մոտենալ բնությանն ու ձերբազատվել արհեստականից ու պայմանականություններից:
Հենց այդ նպատակով Վահագնը մի քանի ամիս առաջ ստեղծեց յոգայի մասին հայալեզու բլոգ` http://yogaarmenia.blogspot.com հասցեով, որն առայժմ այդքան էլ ակտիվ չէ: Ամեն օր նվազագույնը 10 մշտական այցելու ունի, բայց Վահագնին դա չի մտահոգում: Նա մտադիր է առաջիկայում մի մեծ հայալեզու կայք ստեղծել յոգայի ուսմունքի մասին: Վահագնը կարծում է, որ Հայաստանում ինտերնետ օգտագործողները շատ են, և իրենց միանգամայն հարմար է էլեկտրոնային տարբերակով ծանոթացնել այդ գիտության սկզբունքներին: Բլոգից բացի, հաճախ Վահագնն իր ընկերների հետ է անցկացնում յոգայի դասեր` մանրամասն բացատրելով բոլոր սկզբունքները: Նա շատ է ցանկանում, որ այդ գիտության մասին իմանան ճիշտ աղբյուրներից ու առանց խեղաթյուրումների:
«Ուսուցիչն իր աշակերտին ասում է, որ նա արդեն ամեն ինչ գիտե, հմտություններ է ձեռք բերել, կարող է իր սերտածը բանեցնել, բայց եթե դու նստած ես սարի գլխին ու զբաղվում ես միայն ինքդ քեզնով, հասել ես քո կատարելությանն ու բացարձակապես ոչ մեկի հետ ոչնչով չես կիսվում, ուրեմն դու քո կողքի քարից ոչնչով չես տարբերվում, նույնիսկ քարն իր տեղում է, որովհետև քար է, իսկ դու մարդ ես ու դու քո տեղում չես: Սրա իմաստն այն է, որ իմացածդ պետք է կիսես մյուսների հետ, քանի որ դա հասարակական գիտություն է, բոլորի համար, կարող է ակտիվացնել ու եռանդ տալ»,- այս ավանդությունը Վահագնը լսել է հենց Հիմալայներում, երբ բացահայտում էր յոգայի գաղտնիքները: Նա վստահ է, որ եթե ինքն իր իմացածը չփոխանցի մյուսներին, ապա իսկապես գետնին ընկած մի անպետք քար կլինի:

ԶԱՐՈՒՀԻ ՔՈՉԱՐՅԱՆ

Յոգան ու էսթետիկան

2010-04-08T01:24:00.001-07:00

Հաճախ յոգայի վարժություններն անելիս մարմնով մեկ սկսում եմ խորը էսթետիկական հաճույք զգալ, ոչ միայն դիրքի գրաֆիկական կերպարի, այլ նաև դրա ստատիկ ու հանդարտ, ներքին գեղեցկությամբ լի էության հետ կապված... մի քանի դիրքեր հատկապես ուժեղ են էդ առումով, մի օր եթե հանդիպենք, հիշեցրեք հենց ձեր մասնակցությամբ կուսումնասիրենք դրանք: Ի դեպ` այդքան էլ դժվար դիրքեր չեն..

Երկնքի Պակասություն

2010-04-06T11:28:00.000-07:00

Բուսաբանական այգում առաջ շատ ավելի լավ էր մթնում, հիմա քաղաքի լույսերը չեն թողնում, որպեսզի մութը կարգին ընկնի... Վերջերս էնտեղ Նյու Յորքն էի հիշել, ուր մի քանի տարի է արդեն հաճախ շրջանառում են "Լուսային Աղտոտում" տերմինը: Մեզ իհարկե էդ տեսակ արհավիրքին դեռ շատ կա (էնտեղ իսկապես երկինքը դժվար էր տեսնելը, երկնաքերների, կամ ավելի ճիշտ` երկնաԿԵՐների արանքներից), բայց դե երկնքի պակասությունը արդեն սկսել է զգացվել: Երկինք, օդ, բնության ձայներ.... էդ ամենը մեզ պետք ա, ամեն օր, ոչ թե դեպքից դեպք!

Լռության մասին

2010-04-01T01:02:00.000-07:00

Լռությունը մի վայր է, որտեղ մենք արթնանում ենք, մինչդեռ մտքի քաոսը քնեցնում է մեզ:

բջջային հեռախոս` էլ ինձ պետք չես

2010-03-31T03:43:00.000-07:00

Էսօրվանից աշխատելու եմ բջջայինը հետս քարշ չտամ: Կասեք` ինչ կապ ունի այս տեղեկությունը յոգայի մասին պատմող բլոգի բովանդակության հետ?? Միանգամայն ուղղակի կապ ունի: Բջջայինն այնքան վնասակար երևույթ է` էլեկտրոմագնիսական սմոգի տարածման ու մեր ԴՆԹ-ի (գենետիկ կոդի) վրա կործանիչ ազդեցության առումով, որ դրանից ազատումը առաջին կարևոր քայլերից մեկն է, եթե ուզում ես առողջ լինել:

յոգա գիտության մեկնաբանության մի տարբերակ` այ-թի լեզվով

2010-03-31T03:01:00.000-07:00

Գրասենյակային յոգա:)

Արարատ ... արևածագ ... շուտով Բաղրամյան պողոտայից կտեսնեմ, դեպի Սիրահարների Այգի զբոսնելիս

2010-03-29T14:37:00.000-07:00

Փառահեղ ա Արարատն առավոտյան, պարզ երկնքի ներքո................ մեկ մեկ էդ տեսարանից նենց եմ սառում մնում տեղում (դե աչքերս սառում են, ներսս հայրենատիրական ոգով կրակ ա բռնկվում:ՃՃ), որ էլ քայլելս կամ պեդալ տալս չի գալիս... նայում եմ, նայում..... Սարյանի Արարատներն են աչքիս առաջով անցնում, հոգիս թաթախվում ա էդ գույների մեջ, կորում, տարրալուծվում, հետո առավոտյան թարմ օդը, Սևակի սարկազմի նման, սթափեցնում ա նորից.. քայլում եմ կամ պեդալ եմ տալիս դեպի ուր որ գնում էի: Էդպես սկսածս օրերը միշտ մի շատ կարևոր բան են բերում իրենց հետ: /Լուսանկարն իմը չի, վերցրել եմ մի կայքից, այ էստեղից, ու հեղինակից մեծապես շնորհակալ եմ www.flickriver.com/photos/seroujo/tags/hdr/ /

Վեդաներ / Ռիգ Վեդա

2010-03-29T14:19:00.000-07:00

Ի դեպ` Վեդաների մասին խոսեցի և որոշեցի նաև մի պատառիկ դնել էստեղ, զուտ հետաքրքիր մի տարր ավելացնելու նկատառումով, տեսանելի մի օրինակ, մանավանդ որ էդ օրինակը հայալեզու կայքերում հաստատ բավական եզակի կլինի: Ահա, Ռիգ Վեդա գրքի մի պատառիկի լուսանկար: Բովանդակության մասին` ավելի ուշ:

Մեդիտացիան սկսվում է ... ներքին ճիգերից... խաղաղ, առանց շտապելու, հետևողականորեն կատարվող ճիգերից, որոնք պետք է հնարավորինս գիտակցված լինեն

2010-03-29T13:47:00.000-07:00

Մեդիտացիա ... ..... .... բազմիմաստ, բազմաշերտ, բազմաբովանդակ բառ: Քաղաքային աղմուկի մեջ, բջջայնացվաց մեր կենսակերպում, հեշտ չի առանց թարթելու սևեռվել էս տեսակ երևույթի վրա..ինկատի ունեմ` առանց մտքով, հոգով թարթելու.. Մեր ամեն շարժումը, հայացքը, շունչ քաշելն ու արտաշնչելը, ընդմիջվում են մեր աղմկոտ իրականության` իրար վրա եկող կադրերով, փոշոտ, տոքսիկ, ընկճող կադրերով... Սակայն, եթե նույնիսկ էդ փուշու ու տոքսիկ ամպերի ներքո, կարողանում ենք սևեռվել` ի հեճուկս ամեն ինչի, մեր միտքն ի վերջո սկսում է սինթեզել էնպիսի վիճակներ, որոնք, ներքին խաղաղության որոշակի տարրերով համալրելու դեպքում, հնարավոր է հզորացնել (պարզ, հետևողական մտավարժանքներով) ու բերել մեդիտացիայի վիճակի: Հիմա կամաց կամաց սկսում ենք մոտենալ եդ վիճակներին: Շուտով բուսաբանականում կսկսենք համեմատաբար ավելի երկարատև մտավարժանքներ:

էսպիսի հեծանիվ ուզեցի... չնայած իմն էլ վատը չի, դեռ ծառայում ա

2010-03-29T12:55:00.000-07:00

Եթե նույնիսկ որոշեմ էս տեսակ հեծանիվ էլ ունենալ, բնականաբար ինքս պիտի սարքեմ, ոչ թե գնեմ թանկ թանկ: Ուղղակի դիզայնը դուրս եկավ, հետաքրքիր մտահղացում ա շատ.. Ի դեպ` հեծանիվով Հալաբյան փողոցից դեպի Սիրահարների Այգի մոտ 7 րոպե ա տևում:, էն էլ առավոտյան 7-ին, երբ ոչ մի տրանսպորտ չկա, գրեթե չկա..: Վաղը որոշել ենք ոտքով գնալ էնտեղ, ինչը նույնպես յոգայից առաջ շատ լավ մկանների տաքացման ու առհասարակ արթնացման հնարք ա:

էվոլյուցիոնիզմն ու էվոլյուցիայի տեսությունը տարբեր բաներ են

2010-03-29T12:24:00.000-07:00

Երեկ երկար զրուցել եմ ընկերներիս ու ծանոթներիս հետ, էվոլյուցիայի տեսության, դրա վիճելի (լավ, ավելի անկեղծ ասեմ` ծիծաղելի) լինելու մասին, դրա ծագման ու հիմա էլ մեծ ջանքերի գնով պահպանման (գիտնականներ կան` կյանքը կտան, բայց էդ տեսության ակնհայտ ներքին հակասությունների վրա աչք կփակեն) մասին... Ի վերջո ընկերներիցս մեկի հետ եկանք հանրագումարի. ինքը զգաց, որ ես էվոլյուցիայի գաղափարին չեմ դեմ, այլ էվոլյուցիոն տեսության աբսուրդներին ու դոգմատիկությանն եմ դեմ, ես էլ զգացի, որ ինքը իմ ասածների մեծ մասը ընդունում ա, ուղղակի ժամանակ էր պետք իրար ավելի լավ հասկանալու համար: Ինչու էս բոլորն էստեղ գրեցի? Ուզում եմ ավելի քննադատաբար մոտենաք ձեզ մանկուց մատուցված գաղափարներին: Հարցրեք, քննադատեք, կշռադատեք, ընդունեք, ժխտեք... կարճ ասած` մասնակցեք կյանքին, ոչ թե միայն դիտեք կողքից... Յոգան էլ ա դա ասում: Վեդաները, որոնց մասին էստեղ դեռ չէի խոսել (Յոգայի փիլիսոփայական, գիտական հիմքերը, հին ձեռագրեր են, անհիշելի ժամանակներից մեզ հասած) , ամբողջությամբ մարդու ազատության ու դրա իրական ընկալման մասին են, էն ազատության, որում մարդը գործող անձ ա, մեկը, որ ոչ միայն իզորու ա, այլ նաև պարտավոր ա հնարավորինս ավելի ակտիվ մասնակցել իր երկրի ու աշխարհի կյանքին, որպեսզի եթե նույնիսկ կյանքից չստանա այն ամենն, ինչին, ըստ իրեն, արժանի էր, գոնե կիմանա, որ փորձել ա..

բջիջներն ընդդեմ բջջայինի

2010-03-28T04:40:00.000-07:00

Բջջային հեռախոսի հետ լավ եք ծանոթ? Վստահ եք, որ չափից շատ չեք օգտագործում այն, չափից ավելի մեծ ռիսկի չեք դիմում այն ձեր գլխին մոտեցնելով, ձեր երեխաների ձեռքը տալով?...Արևմուտքում արդեն որոշ հեռախոսային ընկերություններ, հասարակության համեմատաբար տեղեկացված զանգվածների ճնշման ներքո, ստիպված սկսել են գրել իրենց հեռախոսների (օրինակ հայտնի Blackberry-ն) տուփերի վրա, որ "հեռախոսի օգտագործումը վնասակար է առողջությանը": Մեզ մոտ հեռախոսը դեռևս ավելի շատ պաշտամունքի առարկա է, քան կապի միջոց: Եթե ուսումնասիրեք մեր հասարակության հեռախոս ունեցող հատվածի գերակշիռ մասի վերաբերմունքը հեռախոս առարկայի հանդեպ, զննեք փողոցներում, երթուղայիններում հեռախոսից օգտվելու կեցվածքները, կզգաք, որ չեմ չափազանցնում..

բնության արթնացմանը զուգընթաց` արշավային տրամադրություններն ակտիվանում են

2010-03-28T01:30:00.000-07:00

Մտածում եմ` էսպիսի վրան սարքեմ, պիտի որ ահագին հեշտ լինի: պատկերացրեք երեկոյան ներսում մի երկու անվտանգ մոմով ինչ գեղեցկություն կլինի: Առավոտյան արթնանում ես, լվացվում սառը լեռնային առվակի ջրով ցայվում, մի հանգիստ անաղմուկ տեղ գտնում յոգա անում, ներառյալ շնչառական վարժություններ, հետո, արևը ծագելուն պես, արևային վաննա ընդունում ու ... էդքանից հետո կարելի ա նոր անձնագիր հանել, որովհետև արդեն լռիվ ուրիշ մարդ ես էդ պահից:Ճ այլևս էն քաղաքատանջ էակը չես...

Կենտրոնացած միտք = հզոր երկիր: Յոգան Հայաստանում հյուր չէ, այն մեր մոռացված կենսարվեստներից մեկն է...

Նադիներ` մարմնի էներգետիկ ուղիներ (ասում են 72000 հատ են)

2010-03-28T00:49:00.000-07:00

"...արտաշնչեք, շունչը պահեք, շնչեք, նորից շունչը պահեք, արտաշնչեք..." ու էսպես շարունակ (սա շնչառության մասին պոետիկ անդրադարձ է, խնդրում եմ սա չունդունել որպես շնչառական վարժության կատարման ձեռնարկ, շնչառության սխալ կատարումը կարող է վնասել ձեզ): Մտնելով շնչառական վարժությունների աշխարհ` սկսում ես զգալ, որ շնչառական օրգաններ ունես, իսկ մինչև էդ ուղղակի գիտեիր, որ ունես:)

Մի քիչ էլ լենդ-արթ արինք;-)

2010-03-26T14:13:00.000-07:00

Երբ եք վերջին անգամ հողից հոտ քաշել?

2010-03-26T06:33:00.000-07:00

Էսօր առավոտյան մի լավ վայելեցինք հողի ու խոտի հոտը, հետո էլ արևը դուրս եկավ, ինչպես միշտ, հենց մենք հայտնվում ենք Սիրահարների Այգում:)

Փոքրիկ Իշխանը

2010-03-25T11:35:00.000-07:00

Սուսաննա ջան, ահա էսօրվա երազի թեման:)

առավոտ

2010-03-23T21:15:00.000-07:00

...վաղ արթնացում, դեռևս ցողը վրան` արև, թռչունների ծլվլոց, թարմության հորձանք, մտքեր, որոնց պետք է ոչ թե դեն քշել, այլ պարզապես սանձել, նոր օրվա կանխավայելում, ուրախություն, մի բան փոխելու ցանկություն, չգիտես թե որտեղից հայտնված հանգստություն ու ինքնավստահություն... կարճ ասած` նվեր ինքդ քեզ..

ֆիլմ, որից հետո յոգան թվաց ավելի ակտուալ, քան նույնիսկ "Ավատար" ֆիլմից հետո...

2010-03-23T12:56:00.000-07:00

Տեսել եք "The Age of Stupid" ("Ապուշի Դարաշրջանը") ֆիլմը? Գտեք նայեք, հետո մի քիչ զբոսնեք ու մտօրեք.. հետո բնականաբար վերադառնալու եք կյանքի առօրյա ռիթմին...բայց մի բան ձեռք բերած եք վերադառնալու, ու դա գուցե ձեզ հետո շատ օգնի..

Քանի մարմին ունի ժամանակակից մարդ արարածը?

2010-03-23T04:53:00.000-07:00

Ժամանակակից թե գերժամանակակից` էական չէ, որովհետև, ըստ յոգա գիտության, մարդու մարմինների քանակը չի փոխվում, ինչպես չեն փոխվում մեր ֆիզիկական մարմնի կառուցվածքի օրինաչափությունները, որ ընդհանուր են բոլորի համար, անոմալ բացառությունները չհաշված (ոչինչ, շուտով էվոլյուցիոն տեսությունն այնքան կհնանա, որ ինքն իրեն դուրս կմղի ժամանակակից գիտական շրջանակներից..): Ուրեմն, մարդն ունի 7 մարմին, որոնք են` (ամենակոպիտից մինչև ամենանուրբը հերթականությամբ) 1. ֆիզիկական, 2. ֆիզիոլոգիական, 3. հոգեբանական 4. ինտելեկտուալ, 5. բերկրանքի, 6. գիտակցության և 7. ինքնության: Սրանցից յուրաքանչյուրի մասին մանրամասն նկարագրություններ կան Պատանջալի իմաստունի գրած Յոգա Սուտրա (յոգայի մասին աֆորիզմներ) գրքում, որն այժմ թարգմանում եմ: Հիմա մի քիչ գործը դանդաղել է, շատ եմ զբաղված լինում, բայց դա, ամեն դեպքում, արագ արվող գործերից չի:

Հեծանիվ և խաղաղություն

2010-03-22T05:45:00.000-07:00

..հեծանիվ, քամի, արև, վարորդների զարմացած մռութներ, հիացած երեխեք, անցորդների ժպիտներ, հաճելի ճիգ, ադրենալին, երբեմն` հարցեր անցորդներից, օրինակ` "ինչ ա գրած հեծանիվին, միրոպե կարդամ էլի"... ...հետո` տուն, հաճելի հոգնածություն, աննման ախորժակ, մի տասն անգամ ավելի համով` առօրյա հասարակ սնունդ, վայելք, ուրախություն, խաղաղություն, ժպիտ... ... դե արի ու էսքանից հետո կյանքը մի սիրի գժի պես!

Մեդիտացիան սկսվում է ... հանգստանալ սովորելուց..

2010-03-21T15:45:00.001-07:00

Կոմպի դիմաց երկար նստելու սովորությունը, օրինակ, միանգամայն լուրջ խոչընդոտ է մեդիտացիա սովորելու ճանապարհին, քանի որ մեր ողջ բիոդաշտը "հարստացնում ենք" լրիվ օտար էներգետիկ ֆոնով... նախ, մինչև յոգայի կոնկրետ վարժություններին անցնելը, շատ օգտակար կլինի սահմանափակենք կոմպի հետ մեր շփումը: Չեմ ասում բացառենք:Ճ Գիտեմ, շատերի համար դա անհնար կլիներ.. նաև իմ;;-)

Պրանա` նշանակում է.

2010-03-20T06:35:00.000-07:00

ներշնչում, շնչառություն, կյանք, կենսագործունեություն, քամի, էներգիա, ուժ... հոգնակի թվով (պրանաներ) այս տերմինը կիրառվում է մարդու` կենսականորեն կարևոր էներգետիկ կենտրոնների մասին խոսելիս:

"Յոգան մտքի տատանումների սանձումն է"... էսպես է սկսվում Պատանջալի իմաստունի գրած` "Յոգա Սուտրա" գիրքը: Առավոտյան մեր հանդիպումն էլ էդպես կսկսվի:)

2010-03-19T13:43:00.000-07:00

Մարտի 19-20, 2010: Դասական խելառ մարտյան եղանակ, գիշերը մինուս 7 ջերմաստիճանի խոստումով, ինչը, բնավ, չի խանգարելու մեզ` առավոտյան հեծնել մեր հակա-պատերազմական փոխադրամիջոցներն (հեծանիվները. նավթային պատերազմների ֆոնի վրա հեծանիվը հենց հակա-պատերազմական, հակա-ահաբեկչական փոխադրամիջոց էլ կա..) ու սլանալ դեպի յոգայի դահլիճ (սիրահարների այգու փոխարեն այս անգամ փակ տարածքում կպարապենք, որպեսզի ոչ ոք չմրսի): Ճանապարհին պիտի փորձեմ որոշել, թե չորեքշաբթի օրը որ ֆիլմն ենք դիտելու (ունենք "Ջուր" ֆիլմն ու "Երկրագնդին Սպանելով" ֆիլմը, ի թիվս տասնյակ այլ հետաքրքիր ֆիլմերի)? Եթե դուք էլ ուզենաք մասնակցել այդ ֆիլմի կամ ֆիլմերի դիտմանը, նախօրոք տեղեկացրեք ինչ որ կերպ, խնդրում եմ: Տեղեր կպահենք + նաև ուրցով թեյ, որ պիտի մատուցենք ֆիլմի դիտմանը մեդիտացիոն նրբերանգներ հաղորդելու համար:

Ողջույն Արևին / պոեմանման, մտահոգ անդրադարձ...իմ ու քո առօրյային:

2010-03-17T12:53:00.000-07:00

Ծագող արևի փառահեղ ջերմությունից անակնկալի եկած` գերժամանակակից, էլեկտրաֆիկացված մարդը սառեց մնաց տեղում... մի քանի րոպե նայում էր տաք Արևին, ու չէր կարողանում հասկանալ, թե ինչպես է հաջողացնում այդ տեսարանից/զգացողությունից ինքն իրեն այդքան հաճախ զրկել.. "Ողջույն", ասաց Արևը. "..Բարև Ձեզ..", պատասխանեց շփոթված մարդն ու սառած հայացքն արագ պոկեց Արևից: Հեռախոսի էկրանին հաղորդագրություն էր հայտնվել...

Արևը հեգնական ժպտաց..

Առավոտյան Երևանը տեսել եք? Նենց լավն ա!!!

2010-03-17T12:34:00.000-07:00

..ոչ մեքենա կա, ոչ անցորդ, լռիվ ուտոպիստական քաղաք ա Երևանը վաղ առավոտյան:

առավոտյան 7:30` Սիրահարների այգում, ինչպես միշտ

2010-03-16T11:00:00.000-07:00

Նոր մտածում էի` երևի էսպես պայմանավորվենք. եթե առավոտյան յոգայի գալու ճանապարհին զգում եք, որ եղանակն այնքան անձրևային է, որ կարող է խանգարել պարապմունքին, միանգամից եկեք Կորյունի 19/a հասցեի մոր յոգայի սրահը, 8-րդ հարկում:

կարճատև ճամփորդություն

2010-03-13T14:12:00.000-08:00

Առավոտյան Հայաստանից մի երկու օրով մեկնում ենք, կվերադառնանք մարտի 16-ին երեկոյան, եթե եղանակը լավ լինի ու ճանապարհից շատ հոգնած չլինենք` յոգա էլ կանենք, եթե հոգնած լինենք` կսկսենք միանգամից չորեքշաբթի օրվանից (առավոտյան 11:30 մեր փակ տարածքում, Կորյունի փողոցի վրա, 091 310379` Վահագն):

Կենտրոնացմանը խանգարած հրավառությունից մինչև Պարույր Սևակի էքսպրոմտ երեկո` խոտերի վրա

2010-03-13T13:53:00.000-08:00

Պարույր Սևակի գիրքը մոտս էր, վերցրել էի, որ ընթերցենք, սակայն մտքովս չէր անցել, որ յոգայի ընթացքում բուսաբանականից ոչ էդքան հեռու էդպիսի ուժեղ հրավառություն է լինելու, որի պատճառով լեհուհի Մագդան այլևս չի կենտրոնանալու, լիտվուհի Ռասան էլ` Մագդայի ազդեցության տակ, (Էմման էլ հենց սկզբից պոետիկ տրամադրություն ուներ), ես էլ համարելու եմ, որ կարելի է մի անգամ էլ յոգան ընդմիջել ժամանակից շուտ, որպեսզի իրար լսենք, բնությանը լսենք, Սևակ կարդանք մոմերի ներքո...իսկ անձրևն էլ սպասելու է, մինչև Սևակի չքնաղ ստեղծագործության պարբերությունն ավարտվի, ու նոր է գալու... Չքնաղ երեկո էր, անմոռանալի գարնանային երեկո:

Հեծանիվով տուն գալիս էս կոդն էր մտքումս...

2010-03-12T23:46:00.002-08:00

Էսօր արևը զբաղված էր, դուրս չեկավ յոգայի ժամանակ, սակայն առողջության ու ներդաշնակության մեր սեանսը դրանից ամենևին չտուժեց:Ճ

կիրակնօրյա ժամանց յոգայի թեմայով:)

2010-03-07T12:02:00.000-08:00

Արմենն Ավանից եկավ հասավ առավոտյան 8-ին, ուրեմն դա էլ հնարավոր ա ..:Ճ

2010-03-06T00:39:00.000-08:00

Մի քիչ կարճ տևեց պարապմունքը, որովհետև էսօր լրագրողներն էկել էին մեզ հարցեր տալու, բայց ոչինչ,էդ էլ ա պետք:

Սիրահարների այգում...

2010-03-05T09:16:00.000-08:00

..առավոտյան շատ հանգիստ է, նույնիսկ քաղաքի արթնացման ձայներն այնքան մեղմ են, որ մեծ մասամբ ընդհատվում են գարնան հոտն առած թռչունների արթնացման ձայներով, ու յոգա պարապելն այդ միջավայրում ծայրաստիճան հաճելի պրոցեսի է վերածվում: Վաղն էլ նորից առավոտյան 8-ից այնտեղ ենք, այս անգամ երեքով կլինենք, ես, Արմենն ու Էմման: համեցեք:)

Բուսաբանականի աստգա-յոգան աներևակայելի թարմացնող բան ա, դու մի ասա!

2010-03-04T14:05:00.000-08:00

Էսօր մի ուրիշ տեսակ թարմացանք!!! Բնության հոտն էնքան ուժեղ էր անձրևից հետո, որ կպել էր շորերիս:ՃՃ Խոնավությունն էլ ցրտի դեր էր կատարում, բայց դա լուրջ չէր, ուստի չմրսեցինք, միայն շատ լավ առույգացանք: Սովորաբար նման սեանսներից հետո էնպիսի տպավորություն ա, ասես օդով քայլելիս լինեմ, երակներումս էլ արյան հետ եթեր ա հոսում: Յոգան կապի շատ հետաքրքիր տեսակ ա, ինչ ուզում եք ասեք...

Առավոտյան 8-ին սիրահարների այգու մոտով անցնելիս լինեք - միացեք, յոգա ենք անելու խոտերի վրա

2010-03-04T06:00:00.000-08:00

Մենակ Նյու Յորքում չի, որ Central Park կա, մենք էլ ունենք:Ճ , այն է` Սիրահարների Այգին, որի սիրով լեփ լեցուն աուրան, ինչպես վերջերս պարզեցինք, շատ բարենպաստ միջավայր է Յոգա պարապելու համար.. Լիքը երիտասարդներ այդ այգում սիրո առաջին խոստովանություններն են անում, կապվում են այդ վայրին մինչև կյանքի վերջը, ու մենք էլ շատ ուրախ ենք, որ պիտի այդ միջավայրում Յոգա պարապենք..

բալլադ մոմի լույսի մասին :Ճ

2010-03-03T11:04:00.000-08:00

Մեդիտացիաների ժամանակ հաճախ մոմն է հայտնվում մեր խորհրդավոր շրջանի մեջտեղում, որպես նյութական աշխարհի ամենախորհրդավոր երևույթներից մեկը, որպես մի պատուհան տարբեր չափումների միջև.. մոմի լույսն օգնում է կենտրոնանալ, տարբեր առումներով մաքրում է միջավայրը, ներթափանցում է մեր ներաշխարհ ու բյուրեղացնում է մեր մտակառուցվածքները.. հիանալի հավելում է մեդիտացիաների տարբեր տեսակների համար:

հինգշաբթի երեկոյան` նորից աստղա-յոգա (բաց երկնքի տակ)

2010-03-02T13:29:00.000-08:00

մեդիտացիան կփորձենք ավելի երկար անել, մոտ քսան րոպե: Ինքնամերսումն էլ սկզբից կանենք: հանդիպում ենք քաղաքում, ու բոլորով միասին գնանք:

պրանայի կղզի - մեծ քաղաքում

2010-03-02T12:48:00.000-08:00

դե ինչից սկսեմ? Որ մեկն ասեմ? Մի երկու ժամ յոգա արեցինք բնության մեջ, թարմացանք, զվարճացանք, առույգացանք ու ցրվեցինք տներով: Չէ, բնության մեջ լրիվ ուրիշ ա... Շ~~~ատ լավ ա է ախր...

Գարունն եկավ

2010-02-28T12:59:00.000-08:00

Ձմռան վերջին օրը գնացինք բուսաբանական այգի, մաքուր, բնաբույր օդով հագեցած մեր դպրոցում Յոգայի այս տարվա առաջին բացոթյա պարապմունքն անցկացրինք: Հա, մեր դպրոցն էնտեղ ա, բուսաբանականում, երևանյան դպրոցը.. Իսկ հետո ժայռերն են:
Ինչից ասես, որ չխոսեցինք, բայց մի քիչ ցրտոտ էր, շատ երկար չմնացինք: Որոշեցինք մյուս անգամ ավելի լավ պատրաստված գալ, ես լույսերս եմ վերցնելու` ծառերից կախելու համար, կարելի է նաև թեյ վերցնել, վերջում միասին կթեյենք, հենց ծառերի ներքո: Հա, նաև որոշեցինք, որ շուտով մի տեղ հավաքվելու ենք ու "Ավատար" ֆիլմը նայենք: Դուք էլ համեցեք:

Հիմալայան Յոգայի Կենտրոնն այսօր

2009-09-19T15:10:00.000-07:00

Հիմալայան Յոգայի բացառիկ դասընթաց Երևանում` Հիմալայան Յոգայի Կենտրոնում

2009-09-14T05:33:00.000-07:00

Ողջույն սիրելի այցելու,
Այս կայքը լուսաբանում է Հայաստանում Հիմալայան Յոգայի դասընթացները, որոնք մինչ օրս անց են կացվել հիմնականում Երևանում, Լոռիում և Գեղամա Լեռներում:
Յոգան սանսկրիտերեն բառ է, որ ունի բազմաթիվ իմաստներ, սակայն հիմնական իմաստներից մեկն է` “ԿԱՊ”: Կապ քո ներաշխարհի, քո շուրջը գտնվող մարդկանց ու բնության հետ: Յոգան գիտություն է, այլ ոչ թե լոկ սպորտ, ինչպես այն հաճախ, խեղաթյուրված ձևով մատուցվում է բազմաթիվ աղբյուրներում: “Աշտանգա Յոգա” կոչվող այս ոճը, որը, կրկին սանսկրիտերեն, նշանակում է “Ութ Փուլանի Յոգա”, ֆիզիկական, մտավոր և հոգևոր ոլորտների ուսումնասիրության և զարգացման շատ լայն ու կոմպլեքս համակարգ է, ոլորտներ, որոնք մարդուն հզորացնում են` մարմնի կեցվածքների (Ասանաներ), շնչառական վարժությունների (Պրանայամա), կենտրոնացման վարժությունների (Մեդիտացիա) և ինքնաճանաչման բազմաթիվ այլ միջոցների օգնությամբ: Այս համակարգի հիմնական բնութագրերից մեկն այն է, որ, որքան ավելի ես մոտենում դրան, այնքան ավելի հաճելի է դառնում պրոցեսը` լի ինքնահայտնագործման բազում արկածային պահերով: Իհարկե այս պրոցեսում նաև աննկատելիորեն, մեկը մյուսի ետևից անհետանում են մինչ այդ ձեզ անհանգստացնող մազմաթիվ երևույթներ, ինչպիսիք են, օրինակ, զանազան քրոնիկ հիվանդությունները,ցավերը, սթրեսներն ու դեպրեսիաները:

Ահա ավելի մանրամասն Յոգայի "ութ աստիճանների" մասին, որոնց մեկ առ մեկ ուսումնասիրում ենք մեր պարապմունքների ժամանակ.

1. Յամա (էթիկայի չափանիշներ, զսպվածություն, անձնական
հիգիենա, բարոյականության նորմեր)
2. Նիյամա (ինքնակազմակերպում, սոցիալական և հոգևոր
կողմնորոշում)
3. Ասանա (մարմնի համար հարմար դիրքեր)
4. Պրանայամա (շնչառության կարգավորում և ղեկավարում)
5. Պրատյահարա (զգայարանների ճանաչում և ղեկավարում)
6. Դհարանա (կենրոնացում որևէ կոնկրետ օբյեկտի վրա)
7. Դհիյանա (մեդիտացիա, կենտրոնացման թիրախ-օբյեկտի հետ
կապի հաստատում)
8. Սամադհի (գեր-գիտակից, պայծառացման որակներով բնութագրվող վիճակ, որում մենք
մերձենում ենք բնության տարերքների, Տիեզերքի հետ, ճանաչում ենք ինքներս մեզ ու մեր
շրջապատող աշխարհը` մեր Ճամփան ավելի հաճույքով ու պատվով անցնելու, երջանիկ
լինելու համար)

Պարապմունքի վարման մեր սովորած և կիրառած տեխնիկաների շնորհիվ` Յոգա գիտությունը մատուցում է Հայաստանում ժամանակակից կյանքի չափանիշներին համապատասխան, զբաղված ու հոգնեցուցիչ ապրելակերպի առանձնահատկությունների նկատառումով, առավելագույնս պարզեցված ու հարմարեցված համակարգի օգնությամբմ մի մտերմիկ և հանգիստ տարածքում, որ կոչվում է Հիմալայան Յոգայի Կենտրոն: Դասընթացը վարում ենք երկուսով, Յոգայի և Ու-շուի մասնագետ Արմենը և ես` Յոգայի մասնագետ Վահագնը:

Կորյունի 1 հասցեում, Ուրարտու համալսարանի շենքում (ձախ կողմի մուտք, վերելակով 8-րդ
հարկ, ձախից 3-րդ, 5-րդ և 6-րդ սենյակներ), Հիմալայան Յոգայի Կենտրոն
Երևանի Բուսաբանական այգում, վայրը փոփոխվում է, վերջնական ճշտելու համար զանգահարեք Հիմալայան Յոգայի Կենտրոն` Արմենին (093)411901 կամ (091) 310379` Վահագնին:

Առողջությունը միայն վատ չզգալը չէ. առողջությունը ԼԱՎ ԶԳԱԼՆ Է:

Բաց դասեր` մինչև սեպտեմբերի սկիզբ!

2009-08-17T15:30:00.000-07:00

Օգոստոսի 20-ից մինչև սեպտեմբերի սկիզբը Յոգայի բաց դասեր են լինելու մեր նորաբաց կենտրոնում` նոր խմբերի ձևավորման նպատակով: Մասնակցել ցանկացողներին խնդրում ենք գրել yogayerevan@gmail.com հասցեով, կամ զանգահարել 091 310379` Վահագնին, (093)411901 Արմենին:

Ամառային հանգիստը շուտով կընդմիջեն նոր դասընթացները

2009-07-15T16:47:00.000-07:00

Ողջույն սիրելի այցելու: Մի քանի օրից, երբ կվերադառնանք Լոռվա դրախտից, վերսկսելու ենք Հիմալայան Յոգայի դասընթացը, և, քանի որ միջին հայ մարդը գերադասում է փակ տարածքում յոգա պարապել (բուսաբանական այգում փորձեցինք, մարդիկ անձրևից վախենում են, ինչ անեմ, կամ էլ մի տաս րոպե ավել երթուղայինում լինել չեն ուզում` բուսաբանական հասնելու համար), ես նորից ընտրեցի փակ տարածքի ոճը, ինչը նույնպես տարբերակ է: Կհարմարեցնեմ այդ տարածքը Յոգա պարապելու համար` բոլոր առումներով. կլինեն մոմեր (օդն ու էներգետիկ դաշտը մաքրող գործոն, բացի դեկորատիվ տարր լինելը), հոտավետ փայտիկներ (նույնպես օդը մաքրող գործոն), հանդարտ երաժշտություն, գորգիկներ, հանդերձարան, մտերմիկ մթնոլորտ, անհատական մոտեցում, ժամանակ առ ժամանակ` կինոդիտումներ (համակարգչի և պրոյեկտորի օգտագործմամբ), արշավներ (դեպի Գառնի, Արագած լեռ, Լոռվա գյուղեր, Սևանա լիճ և այլն), թեյախմություններ և բացօթյա բուսակերական ոճի խնջույքներ և այլն: Եթե ինչ որ հարցեր ունենաք` կապվեք մեզ հետևյալ էլեկտրոնային հասցեյով` yogayerevan@gmail.com, կամ զանգահարեք (091)310379 Վահագնին, կամ (093)411901 Արմենին:

"Գդալը գոյություն չունի"

2009-06-22T13:31:00.000-07:00

Վերջերս շատ եմ տարվել ջրի, և ինֆորմացիոն դաշտի հետ նրա կապի ուսումնասիրությամբ, ու հաճախ հայացքս սառում է իրականության որևէ ֆիզիկական օբյեկտի վրա` վերջինիս չերևացող կողմի մասին հիշելիս.. Իրականում մենք, մեզ շրջապատող աշխարհը բաղկացած ենք տիեզերական տատանումներից, որոնք միմյանց հետ փոխազդեցության մեջ են, ու դա մեզ մի կողմից շատ հզոր, մյուս կողմից` ահավոր խոցելի է դարձնում... "Մատրիցա" ֆիլմի այս դրվագը, որում իմաստնացման շորշոփներով փոքրիկը փորձում է ֆիլմի հերոսին բացատրել, թե ինչպես է պետք գդալը ծռել (իհարկե` բանակի մեթոդները չհաշված), բավական տեսանելի ու, ինչ որ առումով էլ, դիպուկ ցույց է տալիս, որ իրականում մեզ միայն թվում է, թե տեսնում ենք մեր շրջապատը.. Մենք ընդամենը դրա շատ կոպիտ ու բարակ շերտն ենք տեսնում` մակերեսը: Չեմ ասի, թե այդ շերտը հետաքրքիր չէ, սակայն հիմա ինձ սկսել են մյուս շերտերն ավելի հետաքրքրել, ու նորից սարերն ու ձորերը գնալու պահը հասունանում է: Էլ որտեղ կարելի է ավելի հեշտ "գդալ ծռել" (խոսքը հայացքով գդալ ծռելու մասին է, ի դեպ), քան հայոց փառահեղ, հզոր սարերում ու ձորերում: Չեխական ավիաուղիներից մի մետաղե գդալ է մնացել հիշատակ, հենց դա էլ կվերցնեմ հետս մյուս արշավին:
Հ.Գ. Հուսով եմ գրածս ամեն տող հալած յուղի տեղ չեք ընդունի... սիրում եմ փոխաբերություններ: Իրականում խոսքը մտավոր դաշտերի ուսումնասիրման մասին է, ինչի արդյունքում, որպես կանոն, սկսում են տեղի ունենալ բաներ, որ ակամա ստիպում են հիշել տարբեր գիտաֆանտաստիկ ֆիլմեր:

Հարցազրույց Հիմալայան Յոգայի մասին

2009-06-18T05:53:00.000-07:00

5 տարերքներն ու ձեռքը

2009-06-17T12:18:00.000-07:00

Բուսաբանական այգում այսօրվա մեր ունեցած պարապմունքն առանձնացավ մի քիչ ավելի երկարատև ու խորը տեսական մասով` այս անգամ հենց սկզբից հնչած մի քանի հարցերին ի պատասխան: Շնչառական մի վարժություն էինք անում ("Տիեզերական"-ը), որի ընթացքում նախ մի լավ արտաշնչում ենք, ապա խորը շնչում ու մատներով փակում բերանը, քիթը, ականջներն ու աչքերը` արտաքին աշխարհից ժամանակավորապես կտրվելու համար (ժամանակավորապեսը շեշտում եմ, քանի որ հաճախ են Յոգա-ի հասցեին "աշխարհից կտրվելու" մեղադրանք ներկայացնում, ինչը բացարձակ աբսուրդ է ու որևէ հիմքից զուրկ, պատրաստ եմ այս թեմայով ում հետ ասես բանավիճել!), հետո այդ բոլորը նորից բացում, ինչը պետք է անել հերթականությամբ.. Շատերը մոռանում են հերթականության մասին ու բացում են միանգամից, և քանի որ այդ վարժությունը մեր զգայարանների "դաստիարակության" համար հսկայական նշանակություն ունի, որոշեցի ներկայացնել դրա գաղտնի կողմը, այն է`. "մեր ձեռքի մատները հինգն են, ինչպես և տիեզերքի տարերքները` հողը, ջուրը, կրակը, օդն ու եթերը: Այդ տարերքներից չորսը (հողը, ջուրը, կրակը և օդը) տեսանելի են, հինգերորդը` եթերը, անտեսանելի, ինչը մեր ձեռքի վրա արտացոլված է բութ մատի` առանձին լինելու ու նույնիսկ մյուս մատներից տարբեր ֆունկցիա ունենալու ձևով: Եթե ինչ որ բան ես բռնում, բութ մատը մյուսներին օգնող դեր ունի, և դրա չլինելու դեպքում բռնածդ ձեռքումդ դժվար մնա.. Ու մեր 5 զգայարանները ճանաչելու և դրանք կառավարելու համար շատ կարևոր է դրանք բոլորն էլ հավասարապես հղկելը, ուստի վարժության ընթացքում անհրաժեշտ է մատները զգայարաններից հեռացնել ոչ թե միանգամից, այլ հերթով` մեկը մյուսից մոտ 3 վայրկյան հետո: Նաև խոսեցինք այն մասին, որ մեր արած ձայնային վարժությունը` "Օում"-ը, հիմնված է այն բանի վրա, որ ողջ Տիեզերքը կազմված է տատանումներից, և մենք մեր սեփական ձայնով ի զորու ենք մեր ներքին տատանումները նորմալ վիճակի բերել, ինչը չափազանց արագ ներգործող ազդեցություն է ունենում հիմնականում: Լիքը ուրիշ բաներից խոսեցինք, չգիտեմ որը գրեմ, որը թողնեմ.. Երևի ավելի լավ կլինի, որ սպասեմ, մինչև ինչ որ կոնկրետ հարց հնչի այս վիրտուալ տարածքում, ու այդ հարցին պատասխանեմ:

Նոր սկիզբ` բնության հետ

2009-06-15T13:59:00.000-07:00

Ողջույն սիրելի ընթերցող, համաքաղաքացի, հայրենակից, համամոլորակցի ջան: Ոչ մի կերպ չի հաջողվում ինտերնետային ակտիվությունը կարևորել իրական կյանքում ակտիվությունից, ու ինչ է ստացվում արդյունքում - բլոգս կրկին քնում է: Ահագին ժամանակ թողել էի քնի, հիմա եկա արթնացնեմ: Հոգ չէ, կարևորը, որ Հայաստանում (թերևս ողջ Անդրկովկասում`Հնդկաստանում ճշտածս տվյալների համաձայն)Հիմալայան Յոգայի (սանսկրիտերեն` "Աշտանգա Յոգա" /աշտա = ութ, անգանի = աստիճան) հայաստանյան պարապմունքները ամսե-ամիս ակտիվանում են, ու այսօր երեկոյան գրանցվեց այդ ակտիվացման ևս մի դրսևորում, այն է` մենք որոշեցինք, որ պարապմունքներն այսուհետև անց ենք կացնելու Երևանի Բուսաբանական Այգում, ամեն երկուշաբթի, չորեքշաբթի և ուրբաթ, երեկոյան ժամը 20:00-ից մինչև 21:30 (մինչև որ նոր խմբերը կձևավորեմ, շաբաթվա մյուս օրերին ևս, նաև` առավոտյան պարապմունքներով, վերջում էլ (այս միտքը հենց նոր ծագեց, դեռ մերոնց չեմ հասցրել հայտնել) կարելի է միասին թեյ խմել` Հայաստանի անուշաբույր սարերից ու ձորերից հավաքած թարմ բույսերով, հետն էլ մեղր ու նման բաներ, մի խոսքով` Յոգայի հայաստանյան ոդիսականը հնարավորինս ճոխ ու ուրախ դարձնենք: Չնայած առանց այդ ամենի էլ խոտերի, բույսերի ու հողի բույրը, ծառերի խշշոցն ու նման ոգելից բաները մեզ այս երեկո էնպես էին գերել, որ չէինք ուզում ընդհատել վարժությունները... Մինչև որ զգացինք, որ շուտով կատարյալ մթություն կլինի, ու, մեզ ստիպեցինք, դուրս եկանք: Այդպիսի պահերի այնպես եմ ուզում, որ շատերը զգան այդ ամենը, զարմանան, հիանան, մի հատ էլ կարգին ժպտան ու համոզվեն, որ երջանիկ լինելու համար այնքան էլ շատ բան չի պետք.. Ինչ որ շատ հեռու գնացի, զգացիք?:)))
Լավ, շատ չշեղվեմ: Ստորև կարող եք կարդալ նաև մի քիչ ավելի մանրամասն տեղեկություններ մեր դասընթացի մասին: Իհարկե ձեր հարցերը դրանից, հնարավոր է, միայն ավելանան, բայց դե ախր էս բլոգ ասածն էլ հենց դրա համար է նախատեսված` որ հարցեր առաջանան, հետո պատասխաններ առաջանան, մինչև որ տեսնենք, թե ինչ է ստացվելու:)
Լավ, հիմա տեսեք, թե ինչքան նոր բան եք իմանալու Յոգայի մասին, կատակ չեմ անում:)

Յոգան սանսկրիտերեն բառ է, որ ունի բազմաթիվ իմաստներ, սակայն հիմնական իմաստներից մեկն է` “ԿԱՊ”: Կապ քո ներաշխարհի, քո շուրջը գտնվող մարդկանց ու բնության հետ: Յոգան գիտություն է, այլ ոչ թե լոկ սպորտանման մի բան, ինչպես այն հաճախ, խեղաթյուրված ձևով մատուցվում է բազմաթիվ աղբյուրներում: “Աշտանգա Յոգա” կոչվող այս ոճը, որը, կրկին սանսկրիտերեն, նշանակում է “Ութ Փուլանի Յոգա”, ֆիզիկական, մտավոր և հոգևոր ոլորտների շատ լայն ու կոմպլեքս համակարգ է, ոլորտներ, որոնք մարդուն հզորացնում են` մարմնի կեցվածքների (Ասանաներ), շնչառական վարժությունների (Պրանայամա), կենտրոնացման վարժությունների (Մեդիտացիա) և ինքնաճանաչման բազմաթիվ այլ միջոցների օգնությամբ: Այս համակարգի հիմնական բնութագրերից մեկն այն է, որ, որքան ավելի ես մոտենում դրան, այնքան ավելի հաճելի է դառնում պրոցեսը` լի ինքնահայտնագործման բազում արկածային պահերով:

Իսկ այստեղ փորձեմ բացել վերը նշված միստիկ, Յոգայի "ութ աստիճանների" փակագծերը.

1. Յամա (էթիկայի չափանիշներ, զսպվածություն, անձնական
հիգիենա, բարոյականության նորմեր)
2. Նիյամա (ինքնակազմակերպում, սոցիալական և հոգևոր
կողմնորոշում)
3. Ասանա (մարմնի համար հարմար դիրքեր)
4. Պրանայամա (շնչառության կարգավորում և ղեկավարում)
5. Պրատյահարա (զգայարանների ճանաչում և ղեկավարում)
6. Դհարանա (կենրոնացում որևէ կոնկրետ օբյեկտի վրա)
7. Դհիյանա (մեդիտացիա, կենտրոնացման թիրախ-օբյեկտի հետ
կապի հաստատում)
8. Սամադհի (գեր-գիտակից, պայծառացման որակներով բնութագրվող վիճակ, որում մենք
մերձենում ենք բնության տարերքների, Տիեզերքի հետ, ճանաչում ենք ինքներս մեզ ու մեր
շրջապատող աշխարհը` մեր Ճամփան ավելի հավեսով ու պատվով անցնելու, երջանիկ
լինելու համար)

Պարապմունքի վարման իմ սովորած և կիրառած տեխնիկայի շնորհիվ` Յոգա գիտությունը մատուցում է Հայաստանում ժամանակակից քաղաքային կյանքի չափանիշներին համապատասխան, զբաղված ու հոգնեցուցիչ ապրելակերպի առանձնահատկությունների նկատառումով կառուցված, առավելագույնս պարզեցված ու հարմարեցված համակարգի օգնությամբ: Գործում է վճարման և հաճախման աբոնեմենտային համակարգ` ավելի ճկուն հաճախելիություն ապահովելու համար: Մանրամասների համար արդեն ավելի լավ կլինի գրել vvardumyan@gmail.com էլեկտրոնային փոստի հասցեով, կամ զանգահարել (091)310379 համարով, Վահագնին (այսինքն այս բլոգի հեղինակ, ձեր խոնարհ ծառային)
Մինչ հանդիպում, հուսով եմ բուսաբանական այգում, կամ գոնե մոտերքում (մինչև մի քանի հարյուր մետր շառավղով օդը դեռ համեմատաբար մաքուր է, բայց հենց որ իջնում ենք դեպի մեր սիրելի ուրբանիզացման գոտի` ամեն ինչ հարամ է լինում):
Լավ եղեք սիրելիներս:

Պարապմունքներն առաջ են գնում

2009-03-23T11:45:00.000-07:00

Յոգան վաղուց սկսել ենք, բավական հետաքրքիր պրոցես ա... Արդեն անցել ենք շնչառական վարժություններին, իսկ կիրակի օրը երևի Ծաղկաձորում մի բարձր տեղ գնանք վարժություններ անելու:

Սկսում եմ Յոգայի կուրսերը

2009-03-01T05:13:00.000-08:00

Գարունն եկավ!!!! Մարտի 4-ից սկսում եմ Յոգայի կուրսերը, որոնք վճարովի են, սակայն հուսով եմ շուտով մի տարածք կգտնեմ ու անվճար կպարապեմ, կամ էլ միանգամից կսպասեմ մի քիչ էլ ժամանակ անցնի ու բնության մեջ կպարապեմ:

Կարծում եմ մարտի կեսերին արդեն հանգստյան օրերին քաղաքում գրեթե չեմ լինի, գոնե ոչ Երևանում…

2009-02-24T11:29:00.000-08:00

Այսօր որոշեցի, որ մարտի սկզբին կվերսկսեմ Յոգա պարապմունքներս, իհարկե ոչ իմ սեփական տարածքում, սակայն որոշ առումով կոմպրոմիսային միջավայրում, որ Լոտուս կենտրոնն է տրամադրում: Դեռևս պարապելու երեք ցանկացող կա, սակայն շուտով, կարծում եմ, նրանց թիվը կավելանա: Անհամբեր սպասում եմ բնության մեջ պարապելուն: Կարծում եմ մարտի կեսերին արդեն հանգստյան օրերին քաղաքում գրեթե չեմ լինի, գոնե ոչ Երևանում… Մի քանի օր հետո երևի գնանք քարանձավների կողմը, եթե իհարկե քաղաքային աղմուկի “պարգևած” հոգնածությունից պարզապես Գառնու ձորում քարերին փռվելու գայթակղությունն ավելին չլինի, քան մի երկու տասնյակ կիլոմետր դեպի Սևանա լիճը քայլելու մղումը…
Նոր նայեցի էկրանին ու հիշեցի, որ այսօր մի ցանցային ադմինիստրատոր տղայի պատմում էի, որ համակարգչի, ավելի ճիշտ համակարգչի` մեր մարմնի ու մտքի վրա թողած ապուշ ազդեցության դեմ լավագույն միջոցներից մեկը մածունն է, ու որ այն շատ լավ հանում է էկրանի “սառը լույսի” ֆենոմենալ սպանիչ դաշտն ու վերադարձնում մեր մարմնին նորմալ գործունեության համար անհրաժեշտ կենսաակտիվությունը… նայում էր ինձ ու երևի մտածում, որ մի հեռու մոլորակից եմ ընկել, բայց մի քանի հատկապես տրամաբանական փաստարկներից հետո սկսեց համոզվող դեմք ընդունել: Չմոռացա նաև ասել, որ մեկ մեկ համակարգչի կպչուն կախվածությունից ազատվելու ամենաարդյունավետ ձևերից մեկն ինձ համար պարզապես այն անջատելն է` հենց գործի կեսից… Հա, ինքս իմ “կամքին” հակառակ, ձեռքով քշում եմ մկնիկին դեպի “ստարտ” սեղմակն ու ընտրում “շաթ-դաուն” ռեժիմը: Կոմպս մի պահ անակնկալի է գալիս, բայց չի հասցնում ոչինչ անել, քանի որ նա չունի բանականություն… Ժողովուրդ, ձեզ խաբել են, լուրջ եմ ասում…էդ կոմպը բանականություն ՉՈՒՆԻ… անջատեք դրան, ու նստեք լռության մեջ, կամ խոտերին, կամ նույնիսկ նկուղում…բոլորից հեռու, կոմպի հովացուցիչի շարժիչի ձայնից հեռու, վինչի նվնվոցից հեռու… Այդքանն էլ է հերիք սկզբի համար, մինչև Յոգայի մասին մտածելը:

...այս վիրտուալ անկյունս սկսել է շնչել

2009-02-23T09:20:00.000-08:00

Հիմա ոչինչ, որ հաճախ չեմ գրում, որովհետև միևնույն է նույնիսկ առանց բառերի ու բառակապակցությունների այս վիրտուալ անկյունս սկսել է շնչել, ինչում այսօր համոզվեցի իմ մի նոր ընկերոջ (ավելի ճիշտ` -ուհու) ոգեշնչող անդրադարձները լսելով, որ մտել էր այս բլոգ ու մի քիչ նայել գրածներս: Հիմա մի շատ հանգիստ տեղում եմ, Գյումրի քաղաքում, վայելում եմ ընկերներիս հետ բավական հետաքրքիր քննարկումներն ու աշխատանքային շատ բուռն պրոցեսը…. Նաև երկար սպասված լռությունը, որ նույնիսկ աշխատանքի ամենաբուռն պահին այստեղ ավելի շատ է, քան Երևանում գիշերվա ամենալուռ պահին…: Հիմա կասես` բա ինչ կապ ունի այս ամենը Յոգա բլոգի հետ?.. Ունի, հավատացնում եմ, ունի… Յոգա բառն ինքնին հին սանսկրիտով նշանակում է “կապ”, ու այդ կապը, որքան էլ ուզենաս, չես զգա, եթե չունենաս գոնե մի քիչ այս լռությունից…Գյումրվա գիշերվա, կամ Գառնու ձորի, կամ Դիլիջանի անտառների լռությունից: Մի քիչ առաջ ընթրիքից հետո այդ լռության մեղմ ճնշման ներքո զգացի, որ գլուխս արդեն դրել եմ սեղանին ու հայացքս սառել է պատով ծածկված հորիզոնի մի կետում, ու մտքերս հանդարտ գետի պես հոսում են ինչ որ մի հեռու տեղ… Հիշեցի, որ մի անգամ այդ նույն Գառնու ձորում, գետի միջի մի հսկա քարի վրա տեսա մի մողես, որ անշարժ փռվել էր արևից շիկացած քարին ու անհասկանալիորեն երկար ժամանակ դիրքը չէր փոխում: Այն ժամանակ դեռ անհասկանալի, մինչև մի օր հասկացա, որ մարդ արարածն այդ մողեսի նախապապից էլ է մի բան սովորել ժամանակին, Յոգայի վարժությունները ստեղծելիս, ու որ իրականում մենք ու կենդանիներն իրար շատ ավելի նման ենք, քան մենք ենք կարծում: Չգիտեմ, ընկերներս հայացքիս մեջ նկատեցին այդ մողեսին, թե ոչ, բայց գիտեմ, որ նա մի պահ իսկապես այնտեղ էր:

Տարածքում աղմուկ էր...մեդիտացիան հետաձգվեց..

2009-02-07T10:32:00.000-08:00

Սակայն այսօրվա աղմուկը մեդիտացիային շատ չէր զիջում կենսաակտիվ ելևէջների քանակով ու ներկաների ոգևորության աստիճանով: Փաստօրեն այսօրվանը մեդիտացիա չէր, այլ մեդիտACTION էր: Երբեմն առօրյա գործերն ու ակտիվությունն էլ մեդիտացիոն էֆեկտ ունեն: Հաջորդ մեդիտացիան` շուտով, գուցե հենց վաղը երեկոյան: Ես ու Նարեկը պիտի փորձենք ճիշտ պահը որսալ, ու տեսնենք աղջիկներից ով մեզ կմիանա:

Հանպատրաստից Յոգա

2009-02-06T11:45:00.000-08:00

Այսօր երկար ու բազմաբովանդակ օր էր: Արդեն գրասենյակից համարյա դուրս էի գալիս, մեկ էլ sms ստացա Երևանում ապրող լիտվուհի Ինգայից` թե "էսօր Յոգա չկա բա?": Մտածեցի "հա էլի, ինչու չէ? որ", ու գնացի իր ու Լորինի հետ Յոգա անելու: Ինգան ու Լորինը երկուսն էլ EVS ծրագրով Հայաստան ժամանած կամավորներ են, ու մի օր զրուցելիս ասացին, որ իրենք էլ կուզեն միասին Յոգա անել, եթե հարմարվի: Իմ համար էլ նման միտքը մերժելը դժվար է ոչ միայն այն պատճառով, որ նրանք համակրելի աղջիկներ են, այլ նաև` որ սկզբունքորեն սխալ կլիներ մերժելը, հենց Յոգայի գիտության տեսանկյունից, ու ինձ էլ առիթ է պետք երեկոյան մի հանգիստ տեղում Յոգա անելու համար: Մյուս կողմից` իրենց տանը կրակով վառարան կա, ու մթնոլորտը բավական տրամադրող է Յոգայի համար: Մի ժամից ավել տևեց, վերջում էլ Ինգան գյուղից բերաց իր լավաշից հյուրասիրեց, պանրով ու կարագով, հայկական սարերից հավաքած խոտաբույսերի թեյով: Լորինն էլ մի պահ նայեց մեզ բոլորիս ու ասաց. "ինչքան քիչ բան է պետք երջանկության համար": "Վայ Լորին ջան, էդ ուր ա հասել Եվրոպան", մտածեցի ես(մասնավորապես այս դեպքում ինկատի ունեմ Ֆրանսիան, քանի որ Լորինը ֆրանսուհի է): Վաղն էլ երեկոյան Նարեկի, Լուսինեի, ու հավանաբար նաև Հրանուշի և Մարինեի հետ մեդիտացիա կանենք, նորից նույն տեղում: Հատուկ չեմ ասում, թե որտեղ: Ամեն ինչ հո չեմ ասելու???:)))

Հեծանիվն ու Յոգան

2009-02-06T03:59:00.000-08:00

Ամեն օր ավելի ու ավելի եմ համոզվում, որ քաղաքային կյանքում Յոգա պարապելու գործում շատ մեծ դեր է խաղում հեծանիվը: Չեմ ասի, թե սա ինձ համար շատ զարմանալի էր պարզելը, բայց ուզեցա այդ մասին աշխարհին հայտնեմ էս իմ սակավամարդ բլոգում, որ մի կաթիլ էլ ես նպաստեմ Հայաստանում առողջ ապրելակերպի միստիկ գործի առաջխաղացմանը: Ինչ որ շատ պաշտոնական ստացվեց, չէ?:

45 րոպե` այլ չափման մեջ...

2009-02-05T11:34:00.000-08:00

Մեդիտացիան շատ լավ անցավ: Երեքով էինք, մի լուռ սենյակում, մոտ 45 րոպե անձայն շփվում էինք առօրյա աղմկոտ ու անհանգիստ միջավայրից դուրս մի չափման հետ, ու դա բավական հանգստացնող ազդեցություն ունեցավ, ինչպես միշտ: Հաջորդ անգամ գուցե արդեն չորս հոգի լինենք: Մեդիտացիայից տուն վերադարձա հեծանիվով: Մեդիտացիան ու հեծանիվը` մեկը մյուսին ահագին լավ լրացնող բաներ են, ուղղակի երևանցիներից շատերի համար երկուսն էլ, չգիտես ինչու, առնվազն տարօրինակ են համարվում: Ամեն դեպքում ինձ դրանցից մեկը լավ հանգստացնում է, մյուսն էլ լավ ակտիվացնում: Հիմա շատ ավելի հանգիստ կքնեմ: Հաջորդ մեդիտացիան նախատեսվում է փետրվարի 7 –ին, ժամը 7 –ին, նույն տեղում:

2009-02-04T01:11:00.000-08:00

Երկար ընդմիջումից հետո` այժմ վերսկսում եմ Հիմալայան Յոգայի մասին այս բլոգն արթնացնելու հաճելի պրոցեսը: Վաղը երեկոյան, որպես այդ արթնացման խորհրդանշական ակցիա` երկու ընկերներիս հետ պետք է "քաղաքային մեդիտացիա" անենք, մի լուռ մտերմիկ տարածքում: Հետագայում հնարավոր է դա դարձնենք տրադիցիա, ու ցանկացողները կարողանան նույնպես միանալ: Այս պահին մենակ մենք մերոնցով կանենք:)): Ի դեպ` Յոգան այնքան էլ այն չէ, ինչ տարբեր հաստ ու բարակ գրքերում մատուցվում է լայն լսարանին... Բայց դա երկար զրույցի թեմա է, որը կարող է սկսվել հենց այս էջերի վրա: Բարի օր եմ մաղթում քեզ:

2008-05-08T02:46:00.000-07:00

Հայերեն` Յոգայի մասին

2008-04-23T09:03:00.000-07:00

Ողջույն,
Սա հավանաբար առաջին հայալեզու բլոգն է Յոգա գիտության մասին Սա քայլ է`Յոգան մատչելի դարձնելու, անկախ ձեր ազգությունից, սեռից, հավատամքներից, կրոնական կամ այլ դիրքորոշումներից, քաղաքական հայացքներից, բնակության վայրից կամ զբաղմունքից: Շատերի համար Յոգան ընդամենը ապակիների վրայով քայլելու կամ կրակ կուլ տալու հնարքների հավաքածու է, ոմանց համար էլ` լոկ մարմինը ճկելու: Սակայն իրականում ամեն ինչ շատ ավելի խորն է ու միաժամանակ պարզ: Փարձեք ստուգել այդ ամեննն այստեղ, այս տարածքը դրա համար է նախատեսված, ու նաև` շփվելու: Ուրեմն ես կպատմեմ այն ամենն ինչ գիտեմ, դուք էլ կմասնակցեք, ինչպես կուզենաք:
Վահագն